轉唔轉工好?
2006-11-13 11:06 am
唉我今個禮拜要返一個保險course之後就會考試如果合格就會攞到保險牌,我個保險經紀話我好適合做呢份工,但我啲朋友同屋企人都唔多贊成我轉呢份工話好難sell到保險,而且又收入唔穩定.....佢哋話宜家份工咁好點解唔繼續?我宜家係教琴嘅教咗10年喇,一嚟有啲悶二嚟宜家做呢行唔係咁好做,係因為啲細路一至日都俾學校霸住放學又放得晏,好多時成五六點先放學但又唔可以夜上堂又話要食晚飯前啲時間學,咁我即係每日只得兩個鐘壽命就得幾多個???而且佢哋又成日有課外活動搞到我啲上堂時間超混亂,加上宜家太多人識教琴喇(淨係喺知識都大把啦!!)為咗爭生意就頂爛市壓到啲價錢超平,咁啲阿媽有得揀梗係揀平架啦!而且啲細路成日俾學校霸住晒搞到佢哋學唔倒琴跟住佢哋阿媽就乘機想交少堂學費話唔使補返堂勁老土!!!咁我又意識到家陣多咗好多人買保險呀基金呀咁,所以都未必冇得做.我過多11日就29歲喇好想趁後生出去搏殺吓如果唔係等再老啲就冇咁嘅氣力架喇!唉好煩呀究竟點做好呀揀做保險定繼續教琴好呀?求吓大家救吓我啦萬分感激呀!!!
回答 (3)
2006-11-14 12:33 am
✔ 最佳答案
我覺得呢d嘢係好睇你嘅性格。而家啲人對保險有多咗認識,明白到呢樣嘢唔係呃錢嘅,所以要做都可以做得幾好,不過,要sell保險首先係你要唔怕瘀同埋唔怕比人拒絕,性格要好open,同唔識嘅人都要傾得一餐先好。如果唔係,比人拒絕多一、兩次,怕你又想轉行。另外,你問下你自己,保險對你嚟講係乜先啦。轉工唔難,不過,單純想唔教琴而跳去做保險又係唔係明智呢?我唔知你嘅情況,你個保險經紀話你好啱做保險,係點解呢?你自己有乜特點呢?抑或係你個經紀想搵個下線呢(我估唧,未必啱,不過你自己要諗清楚)。
如果你真係好想做保險,咁又會有第二個問題,係經濟問題。保險打嘅係自己工,咁你初做保險,(當然保險公司會預支啲人工比你),你覺得如果你有一段時間(可長可短,睇自己本事)收入極微,你頂唔頂到?會唔會有壓力呢?如果可以,都不妨一試。
2006-11-13 6:42 pm
其實保險這一行, 成日都聽到話無得做啦, 講真, 又點會無得做吖?!? 只係你要知道, 保險既收入同你既努力, 付出既時間係相對既, 啫係話, 如果你勤力D, 揾錢會多D, 而且你要懂得怎樣去sell, 講野都好重要, 你說話要有說服力, 別人先會有信心同你買.
如果你屋企唔係等你d錢開飯的話, 你可以嘗試吓, 又或者你可以再揾第二些工作的, 不一定要選擇保險吖. 但如果你屋企都好需要你的支持的話, 而你又想轉工, 我諗你要揾一份比較穩定收入會好些, 有時, 現實還是現實.
如果你屋企唔係等你d錢開飯的話, 你可以嘗試吓, 又或者你可以再揾第二些工作的, 不一定要選擇保險吖. 但如果你屋企都好需要你的支持的話, 而你又想轉工, 我諗你要揾一份比較穩定收入會好些, 有時, 現實還是現實.
2006-11-13 11:38 am
其實可以1試，最緊要知自己想點，o係呢個階段都係為前途，但其實e+先開始做保險可能有d遲，你諗下以前d人對保險係咪會抗拒? 所以o個陣開始做保險o既人如果堅持到e+，已經搵o左好多$，因為佢o地10年前已經睇到保險業將來o既發展，e+亦的確多咗人買保險，但你e+先由零開始去建立，而且唔會止你1個人見到多咗人買保險，咁e+做保險就變得幾有難度。(純屬個人意見...如有得罪請見諒。)
收錄日期: 2021-04-11 19:07:32
原文連結 [永久失效]:
https://hk.answers.yahoo.com/question/index?qid=20061113000051KK00445