幾多歲先可以做空姐?

我係香港航空現職空中服務員, 在此share 我嘅經驗, 希望幫到你啦~~

其實一般空中服務員招聘都會要求19歲以上, 至於學歷, 最低要求通常是中學會考英文(syl B)合格, 並冇話要大學畢業或者讀過咩課程會有利d, 當然良好英文及普通話係必要啦~~

不過我自己覺得而家愈來愈多大學畢業生投考空中服務員, 在此情況下學歷較高當然比較好, 就算將來轉行都可保持競爭力~!!

其實讀多幾年書都只係20來歲, 仲好後生~~好多空姐都係20幾先入行嘅~~~

另外, 以下係我自己寫嘅面試心得~~

1. 外觀- 打扮端莊整潔, 最好穿著套裝(suit), 化淡妝, 長頭髮的最好扎計, 因為儀表對空中服務員來講好重要, 好影響面試官對你嘅第一印象

2. 笑容, 談吐- 笑容係十分重要, 眼神要溫婉, 就算遇到唔識答嘅問題都要保持得體嘅微笑, 另外, 談吐要溫文, 從言談間表現出友善親切嘅性格

3. 態度- 係指你對空中服務員一職有冇正面而且正確嘅態度。好多人根本唔知空中服務員係咩, 認為只係高級侍應, 又或者只因為免費機票, 喜愛旅遊, 如果係咁就一定唔合格。空中服務員唔單止係「侍應」, 仲係航機上嘅「安全專家」, 成為空中服務員過程好辛苦嘅, 要pass 哂好多嘅安全, 急救訓練, 而且要有堅強, 冷靜嘅性格先可以保障到航機乘客嘅安全, 唔係「高, 靚, 英文好」就能勝任。

4. 團隊合作- 因為每班航機都有機會同從未見過嘅同事合作, 所以有良好溝通能力係好重要。面試好多時都會有小組討論, 目的就係睇下你識唔識同人溝通, 記住一點:「千其唔好做阿頭話哂事, 空中服務員講求係合作性」

5. 係啦, 語文能力, 都好重要架, 9係要你好似地道外籍人士咁, 但一定要清楚咁表達到自己意思, 同時清楚明白對方所講

每一間航空公司要求會唔同, 但以上就係大方向, 例如國泰會注重態度同團體合作, 而港龍就比國泰更注重儀表~~

係喎, 有一套日劇介紹俾你, 係上戶彩主演嘅 , 內容係全部關於空中服務員嘅訓練, 你睇左就會知道做空紅一d都唔簡單了~~

另外, 你可以上呢個討論區: http://www.hkfa.net/forum

有好多現職空姐幫你解決問題~~~

加油呀~~ 有其他問題隨便問啦~~~

18 years old

睇下邊間航空公司架咋

每間都有吾同要求

我建議你去問返間ａｉｒｌｉｎｅ

不過１般都系１８歲就做得〔要有相關學歷〕

如何才能成為一名空姐？
做空姐當然要18歲，而且要夠高，仲要係瘦。

不過係你想做空姐之前，我有個朋友係05年7月去做空姐，雖然係可以到達好多唔同的國家，又可以買平機票，又可以買平行李袋。

但係個種辛苦和壓力真係好大，弄到她滿面長滿暗瘡，仲要成日學化妝。

實習的時間，佢話有次要跳水，起碼有幾層樓的高度，佢有成五呎十吋高的女生，都怕由幾層樓高的情況下跳水，佢當時都想喊。

做空姐要受到好嚴厲的訓練，仲慘過當差，而且仲要洗廁所。你要忍受到住個種污濁的情況，又忍得住臭到嘔你先好考慮去做，同埋入面的人際關係和公司都很差呀！到時你想辭工又會多多為難，做空姐也要準時，亦要隨時on call，唔好以為放假，佢有限你時間係屋企等電話on call，要你兩小時內拾好哂行李上機！

又要學化妝、又要考試、又要背熟普通話、英文版的基本語句，起碼有五十至一百句呀！講得有少少唔正確就會扣分，成日要上堂返學，初初係係細機度實習，差唔多半年先上大機。起碼九個月的時間先叫做畢業學滿師，但係我朋友就係06年4月辭左工，佢話可以去到好多地方，但有時來來去去都可能係去台灣、泰國，好難得先有機會坐長途機去其他國家，去得長途機都有allowance的，大約$2000。
做空姐既要求
每間航空公司的學歷要求都不同,國泰,港龍,只要HKCEE英文科[課程乙]PASS,中五程度...日本航空就要求中七程度...空姐是服務行業,只是CABIN CREW,不是COCKPIT CREW,讀甚麼科都不重要,都能符合空姐的要求.

國泰航空公司
中五.會考英文(課程乙)及格
雙手觸及208厘米
廣東話/普通話、英語

港龍航空公司
中五.會考英文(課程乙)及格
雙手觸及208厘米
廣東話/普通話、英語(懂中國方言更佳)

日本航空公司
中七或同等學歷
雙手觸及212厘米
廣東話、英語(懂日語為佳)

肯尼亞航空公司
中學、英文/地理/數學需達C級
身高限制: 5.4呎(女)/5.6呎(男)
廣東話、普通話

但就算你合乎資格.也要經一輪面試和大量考試, 才能正式成為空服員.

=.="...基本上18歲,實際上因應公司招聘準則~

簡單問題簡單答：合法成人