空姐係咪一定要隻手掂到208cm?掂唔到點算呀?

每一間airline對高度要求都會有所不同, 一般都要求伸手可掂208cm, 而港龍就要212cm, 呢d要求會喺招聘廣告刊登

一定要清楚知道自己符合高度先好申請, 基於安全理由（因為飛機上所有救生用具都放到好高，一定要確保你夠高可以拎到，而唔係因為要你幫客人放行李！！）, 凡係唔合乎高度要求嘅係唔會有面試機會嘅, 最好試清楚免白行一趟。 我有個朋友身高約5尺2, 佢可以啱啱掂到208cm, 不過212cm就唔到啦, 不過有d人可能手長d, 我有另一個朋友得5尺多d都做到國泰, 得閒做下拉筋會有幫助~~~

仲有，　地勤同空姐人工同福利都爭好遠，　以港龍為例，　地勤底薪８０００，加埋OT都係得萬一二，　而空姐底薪已經有一萬，　加埋ａｌｌｏｗａｎｃｅ每月至少一萬五千～　而醫療福利，地勤要過試用期（半年）先有，　空姐就一入去做就有！！！


另外, 以下係我自己寫嘅面試心得~~

1. 外觀- 打扮端莊整潔, 最好穿著套裝(suit), 化淡妝, 長頭髮的最好扎計, 因為儀表對空中服務員來講好重要, 好影響面試官對你嘅第一印象

2. 笑容, 談吐- 笑容係十分重要, 眼神要溫婉, 就算遇到唔識答嘅問題都要保持得體嘅微笑, 另外, 談吐要溫文, 從言談間表現出友善親切嘅性格

3. 態度- 係指你對空中服務員一職有冇正面而且正確嘅態度。好多人根本唔知空中服務員係咩, 認為只係高級侍應, 又或者只因為免費機票, 喜愛旅遊, 如果係咁就一定唔合格。空中服務員唔單止係「侍應」, 仲係航機上嘅「安全專家」, 成為空中服務員過程好辛苦嘅, 要pass 哂好多嘅安全, 急救訓練, 而且要有堅強, 冷靜嘅性格先可以保障到航機乘客嘅安全, 唔係「高, 靚, 英文好」就能勝任。

4. 團隊合作- 因為每班航機都有機會同從未見過嘅同事合作, 所以有良好溝通能力係好重要。面試好多時都會有小組討論, 目的就係睇下你識唔識同人溝通, 記住一點:「千其唔好做阿頭話哂事, 空中服務員講求係合作性」

5. 係啦, 語文能力, 都好重要架, 9係要你好似地道外籍人士咁, 但一定要清楚咁表達到自己意思, 同時清楚明白對方所講

每一間航空公司要求會唔同, 但以上就係大方向, 例如國泰會注重態度同團體合作, 而港龍就比國泰更注重儀表~~

係喎, 有一套日劇介紹俾你, 係上戶彩主演嘅 , 內容係全部關於空中服務員嘅訓練, 你睇左就會知道做空紅一d都唔簡單了~~

另外, 你可以上呢個討論區: http://www.hkfa.net/forum

有好多現職空姐幫你解決問題~~~

加油呀~~ 有其他問題隨便問啦~~~

可唔可以比"上戶彩"做空姐合個套劇名呀?

你要在飛機上面做,就一定要達到這個要求,因為佢要你可以幫到客人放行李上架同在架上取回行李,唔夠高你一定唔能夠通過,
但在地面做就唔同,唔須要通過高度要求都得,航空公司請人的時候都會講明係地面定跟機,
他們的福利都差唔多,地勸仲會安全d同容易做d.
如果你好想做跟機的空姐,我建議你找醫生問問有沒有什麼方法可以令你再增高一些,不要隨便唔信方間流言,你可以發育的時間剩下不多,

另外你的英文能力都好緊要,
我讀完書時都有去面試過,第一次係筆試,大約中五程度,有一半人都唔能夠通過,包括好多有學生,第二次係口試,幾個人一齊講,基本上大約五個選一個,第三次係自己一個面對公司2個,
過到尼關通常都沒有問題,最後是身體檢查,我唔見左封信無去到,於是就做唔到,但我已經好開心,因為我並唔係太想做,只是想挑戰一下佢有難度的面試,我當時已經有份高佢七倍人工的工作,(等面試的過程用了差不多半年)

努力,加油,我支持你,

如果你做到,記得通知我一聲,我會坐一坐你的機希望有

你仲有得高的

不過我都識人唔夠 160 cm 都可以做空姐（國泰）
你會著高跟鞋的嘛
不過入行就的確係要手掂到某個高度的
但我朋友話其實都不難

不用太擔心﹐你先十四歲﹐讀好ｄ書先啦
學歷同語言對搵工都好緊要﹐不只是身材

2006-11-15 01:01:41 補充：
醫生話你試下食多ｄ﹐訓多ｄ﹐做多ｄ運動其他令你高ｄ的辦法唔係無但沒有一個有格的醫生會贊成你為左第日做空姐而試呢ｄ辦法你依家十四歲﹐都無人知你高定未﹐第二日會有幾高就算你廿四歲﹐生定係得咁高﹐咁 155 cm 都唔係話矮﹐又唔係做唔到你想做的空姐無人會建議你試任何藥物／手術的做法﹐不值得做的其他野﹐未有證據證明有用除非果個醫生是為了收你錢啦﹐咁我唔知了

遲d你會高架嘛~
其實好多唔夠160都做到空姐﹐
我住果幢大廈都有個(港龍)
而且你得十四歲﹐我以前有個朋友(中三)個個人話佢侏儒﹐而家差一米七五- -"
讀好d書﹐將來你仲係咪想做空姐都係未知之數﹐
當然﹐到今日為止﹐掂唔到208cm 一定要out

國泰航空公司
中五.會考英文(課程乙)及格
雙手觸及208厘米
廣東話/普通話、英語

港龍航空公司
中五.會考英文(課程乙)及格
雙手觸及208厘米
廣東話/普通話、英語(懂中國方言更佳)

日本航空公司
中七或同等學歷
雙手觸及212厘米
廣東話、英語(懂日語為佳)

肯尼亞航空公司
中學、英文/地理/數學需達C級
身高限制: 5.4呎(女)/5.6呎(男)
廣東話、普通話

但就算你合乎資格.也要經一輪面試和大量考試, 才能正式成為空服員.