我想11月18-20日出發去台灣旅行,去6-7日,但係網上太多資料,有冇D易睇又平0既呢?

(1) 首先旅費方面

今年九月同朋友第一次去台北自悠行
六日五夜大概用左五千五

equation: package(機票連酒店) + 入台証 + tax + insurance + 使費(連手信) = 大概五千五

當中淨係兩晚溫泉酒店(北投春天)已經一千
即係三晚天成 + 機票(撘港龍) + 入台証 + tax + insurance= 三千
而當地使費大概佔左千五

由此推算:
如果你係住天城或同等或更平既飯店
total package應該唔會超過四千

(2) 使費方面

而使費就depends on你大唔大洗喇
我都ok大洗
但都只係用左千五蚊
所以如果你唔係買太多手信同去太貴既地方
應該都係around一千蚊多d

(3) 飯店方面

推介住天成飯店
雖然的確比較貴同舊
但乾淨企理
附近有便利商店
而且親身住過先發現原來交通真係好方便
行幾步(一分鐘內)已經到捷運站

台北捷運站同台北火車站係相連既
所以如果住天成既話
不論個日既行程係撘捷運定火車都好方便
(反而如果住西門町個邊要撘火車既話
就要撘捷運去台北捷運站再轉火車)

不過如果真係想平d既話
可以選擇西門町既萬事達飯店
近一年內開業
好多朋友推介
好新淨同舒適
但交通就冇咁方便
行去捷運站都要五分鐘有多

(4) 去台北要注意既地方

都係要留意手提電話同相機等小型電器既充電問題
睇下使唔使買變壓器

台北通常酒店內有風筒提供
唔使自己帶

同埋去到台北捷運站時
可以出番張悠遊卡
(其實悠遊卡好似香港既八達通咁, 但只係可以用黎撘捷運, 唔可以用黎買野同撘公車或火車)
到走時可以去捷運站既counter退番餘額同按金

同埋天氣開始轉涼
台北個邊應該會更涼一點
所以帶多件衫喇

仲有
最好帶少少糖或香口膠
因我朋友撘飛機時耳仔唔係好舒服(氣壓問題)
食少少糖或香口膠會有幫助


希望幫到你:)

我18去台灣21返~~~Join together?