幫手分析冠中地產呢隻老千股

我知道呢隻係一隻老千股黎既。但我朋友推介,我咁就自己分析下啦,唔知大家點睇啦。
先講基本因素我睇好:
1)佢係日本有幾塊地皮,我亦聽聞日本地皮升價,但升幾多就唔知了。
2)係澳門佢亦係今年頭買左塊地皮,聽聞澳門地價升得好勁,升幾多唔知了。
3)佢入股左一間酒店10%股權,網上講話呢排澳門旅遊業強勁,酒店加租,照理呢個冠中地產都會水脹船高。
4)聽聞,呢個真係唔知聽邊個街邊人講,話冠中地產已經出售左4成既二十一世紀地產既股權。<====呢個可信性都幾低,因為報章都無講過。

其他因素睇好:
先前以兩毫子配售,如果係唔值,無理由有班傻既投資者買,我估計呢班投資者估值有水位才會買,或唔定佢地收到內幕消息。
股價過低,散賣都唔只值呢個價,可以值得一博佢11月尾公報業績。
主席持股量增加,在三個月前佢已經可以睇到盤數,呢到我覺得有鬼。
仲有主席現在未回本,我覺得佢部處緊一個大升幅。
現在既RSI 值已經在50以上,已証明在慢慢上升。

唔知有冇其他高人指點呢?幫手分析一下