中式麵豉醬和日式麵豉醬(味噌)有什麼分別?

簡單講中式麵豉醬和日式麵豉醬(味噌)嘅分別係，
中式麵豉醬一般只得一個味道及顏色，香港人一般用嚟醃嘢或煮餸用。
日式麵豉醬一般都係用嚟煮湯，但亦都可以用嚟醃嘢嘅，而日本人會將佢分為三種味道，淡[泥黃色]、普通[啡色]、濃[深啡色]。
菜色煮法
中式麵豉醬煮茄子：先將茄子切條[手指般大小]，用油開鑊煎[炸就最好]茄子至微金黄色，之後落蒜片爆炒片刻再落埋中式麵豉醬、小小鹽、小小糖及半碗水兜勻佢，然後蓋上蓋焗吓佢等啲茄子索吓啲麵豉醬，最後洒啲芫荽碎及葱花碎即可。
日式麵豉湯[味噌湯]：其實我話你知，喺吉之島嗰到有啲一袋裝及一袋裹面有十至二十小包裝嘅味噌湯包賣，但最緊要係要用嫩豆腐及溥海苔去煮。一袋裝嗰種就真係睇你幾多人飲先至煮幾多。而一小包嗰種就唔同，佢一包基本上可以沖到一湯碗，足夠一個人飲用，真係快靚正。

希望可以解答到您嘅問題啦。Thanks.