棍波車起步問題

俾一下空油先, 有兩個可能性, 第一係d人懶勁, 開車前俾d喉聲後面聽下; 第二係駕駛人唔熟部車, 唔清楚起步要俾幾多油, 因為俾唔夠油起步會死火 (你有車牌, 你應該知啦), 所以第一腳既空油係試一試油門反應, 當熟左部車既時候, 第二個可能性就甚少出現, 如果都仲有既話, 就係因為第一個可能性。

彈極力子起步通常只會响賽車場上應用, 目的就如樓上呢位仁兄所講, 以引擎高轉加上快鬆極力子, 達到較快既起步加速動作, 不過我想重申一點, 賽車極力子係經過強化既部品, 所以可以承受彈極力子呢個動作, 但當然賽車極力子亦有一定既尋命。試諗下, 將一個高速轉動中既齒輪, 同另一個停定既齒輪快速交接時, 兩個齒輪所承受既壓力有幾大... 仲要加埋地面磨擦力!!

斜路起步, 吊極力子再鬆手制係好正常既做法, 如果你夠老練既, 可以一鬆迫力再即刻吊極力子起步, 呢個動作需要長時間反覆練習, 但聽閣下既口吻, 應該考到牌唔係好耐, 用手制係有效既解決方法, 練多d啦, 遲下你就冇需要每次起步都拉手制架喇~

講多無謂, 練習最實際, 祝你好運~~ :)

起步俾空油祇係一D人既習慣，佢地覺得俾左空油起步夠力D，彈極力子係俾大油快鬆極力子，架車起步會響呔搶住去，當然傷波箱同車呔啦，勸你唔好學呢D野，斜路開車時要留意鬆極力子，鬆唔夠會溜後，鬆得多會死火，所以你一定要鬆極力子至引擎夠力開動後鬆手制俾油再慢慢鬆極力子就可以喇，斜路泊車你想唔拉手制就一定要多D練習吊極力子，基本上練熟吊極力子就斜路開車同泊位都祇係用腳制唔用手制，多D練習下喇，功多藝熟呀。