半島酒店interview

無聽過半島酒店要group interview... 因為唔知你最近in咩post? 最近好似請待應同大堂? 大概講下比你參考.


一般in兩次, 一次HR, 一次部門主管

通常酒店人事部會問以下問題, 而每一類問題都有背後o既原因, 你應該針對人事部想知o既答案做準備, 就勝券在握嗽...


1. 自我介紹

人事部主要會考應徵者兩文三語, 所以你有心理準備要用廣東話, 英文同普通話, 呢o的一定要練定!!! 人事部從而睇出應徵者有無心做呢份工, 如果一o的準備無, 就肥硬!


2. 考應徵者對酒店認識程度

可能會問你有無朋友係度做? 你對我o地酒店認識有幾多?

半島酒店o既員工好多都係有親戚關係, 半島都prefer咁, 可能會有更多歸屬感?
因為你見半島, 所以你面熟讀酒店資料, 例如人o地酒店係咩集團(半島係The Hongkong and Shanghai Hotels, Limited)...

若然你見待應, 咁半島有幾間F&B Outlet(餐廳, 咩類形...你一定要知! 上網查或者索性打去酒店問, 例如你見o個間係Coffee Shop(加啡廳), 咁有無Buffet?). 若果見大堂, 人o地有幾間房, 有邊幾類room type? 幾時翻新過? 之類...你要做足功課!!!)


3. HR仲會考你臨場同處理投訴應對同反應. 一般無正確答案, 最重要表現你有客戶"同理心"(除左say sorry, 要真係感受到客人既心情, 同埋有無客戶是對的既心態)


4. 有機會問你鍾意個人工作定群體工作/ 介唔介意轉班/ 認為邊一類客或同事或上司你較為喜好?(借呢o的問題睇應徵者會唔會適應到呢份工作, 因為酒店要輪班輪休, 有時要同同事合作無間之餘又要獨立工作, 況且要服從上司同面對麻煩客人...)

5. 如果你有其他工作經驗, 會考埋你點解唔做?(從此避免請左o的有問題, 對酒店唔忠誠o既員工)



半島酒店網頁
http://hongkong.peninsula.com/





****你唔好咁緊張, 有時間睇睇半島酒店個網, 養足精神, 留意返盡量記得HR in你o個個人o既名, 係interview期間叫對方個名, 同臨走握手. 如果你in大堂o既post, in完HR, 可以o既話, email封Thank You Letter, 會更加2nd In機會, 因為大酒店好注重呢o的...

****希望資料對你有參考性, 並祝你面試成功!!!