鋪地問題~急~趕入伙

唔好意思潑你冷水,2-3千怕且真係唔得,單係買磚和腳線就差不多,自己識做或者可以.兩者比較我建議舖磚,點都較耐用.而且舖木地板都要先執妥地台的,DIY都唔簡單架.不過你不妨一試.以下是一些要點和工序:公屋原來應該是英泥沙地台.去材料舖一問就知要幾多件磚,在原本的地台用掃把掃一層英泥水混合白膠漿,底料用1比4份量的英泥沙盪平,然後a,舖上乾英泥粉再灑水,或b,調好英泥水適量地倒上要舖的位置,用一支長而直的木做標準,依序舖磚,舖時要用手按或用鎚柄輕‘中’,磚縫留3-5mm闊,舖好後同樣用英泥沙混和水用掃把將磚縫填滿,最後清潔.舖前要計劃一下,先彈十字線(曲尺線,90度),在牆腳做好記號,才不會舖斜.翌日才舖腳線,調好英泥漿,在磚背塗上適量厚度的英泥漿貼上牆腳便是.
可是要一些工具如界機,推機,鎚仔,界筆,鏟,灰匙,壓尺,掃把,花灑,海棉等....
先嘗試一下,有困難再求救吧.

去旺角有好多你要200尺左右佢地價錢都幾好但你最好連埋磚同人工4000下好d
2~3千都會有但唔知合唔合你心水但唔好買大磚即係24"x24"因為會一定貴好多
我都係住公屋早一年先入伙果時我都係用左3千5實數唔記得我係磚同鋪分開
你想平就去磚鋪只係買磚鋪就去你屋企果頭搵我唔知你住邊好難介紹比你
一係你send e~meil比我我係e meil回你啦希望幫到你

最平你去d大型家居用品鋪頭.通常o伕3d屋村樓下都有.佢有d膠地板,記得好似係幾蚊件,一尺x一尺.好似痴貼紙咁.自己一撕開就可以貼.地下平就ok啦..而且地台面唔洗另加d咩工序,
如果你本身有地台磚o係面.平的話.你就咁貼上去都ok.手工貼得好既..好少見空隙用博口位.而且要界size.都好方便,用cuter,一界.再屈.咁就好直線架.不過佢就冇乜款可以選擇.咁又當然冇搵師傅鋪地板或地磚襟啦....不過最平.
好多公屋都係咁.你200幾尺.都係一千鬆d....