睇完死亡筆記有野唔明呀!

1)究竟有幾多本死亡筆記?
戲中提及題有四本
第一本係阿月用開個本，流克俾佢既
第二本係流克自己keep住既，因為流克呃佢老細，拎多左本，佢總共就有兩本
第三本係海砂用個本，係Jealous用黎教佢，唔洗俾個助導殺時用個本。Jealous因為教海砂而灰飛煙滅，佢本筆記就俾埋海砂用左勒
第四本係雷姆自己既一本

2)點解L無死到??我睇唔明佢解釋個段...咩咩23日13日?
Ｌ有死到，係最尾一幕叫夜神總一郎離開，俾佢自己一個既時候，佢就圓寂左勒
但雷姆殺阿渡既時候殺唔到Ｌ，係因為Ｌ之前已經係筆記上寫左自己23日後要死，寫先既為準，所以之後雷姆再寫都無用

3)夜神月要求死神加多條咩規條?
阿月要求雷姆加條假既規條，指寫過筆記既人，13日內一定要再寫，否則就會死
哩條規條係用黎令分別被禁錮十幾到二十幾日既阿月同海砂可以洗脫嫌疑，因為佢地超過13日無寫都無死，咁即係佢地無用過。當然唔死既真正原因係條規條係假既

4)L係幾時換走左彌海砂本死亡筆記?
Ｌ話係海砂掘返本筆記之後既第二日，潛入海砂屋企換既
仲裝埋閉路電視

5)結局完之前,L係咪死左?
對！食住朱古力死左。

1)每個死神一本
2)因佢先在真的死亡筆記寫了自己會於23日後才死,所以夜神月寫佢13日後死都冇用,因死亡筆記係寫了便不可改變,先寫為有效
3)假的規條:擁有者必須每13天寫上一個人名,否則自己會死
4)冇換到,只係彌海砂放棄了死亡筆記,遺失了記憶
5)係,因為上述(2)的條例

1:有幾多隻死神就有幾多本筆記
流克好似係汁左1本同自己1本
雷姆就又係汁左1本同自己有1本
2:L係筆記上寫自已23日後安詳咁死
因為係筆記寫左就冇野可以改變
所以雷姆殺渡同L個時殺唔到L
3:夜神月要求雷姆係死亡筆記加多條假野
就係如果用筆記殺左人之後13日內唔再殺人就自己都會死
佢想用呢點證明自己同海砂都唔係奇拿
4:好似冇講到 唔知係咪係我去左次所個時講左
我記得就係冇講 應該係L一早估到海砂係第2個奇拿 係佢屋企CAMP佢
之後偷偷換左佢本野
5:L係死左 佢寫左23日後死就冇野改變到

容量我加多句感受:羸個個 唔係L 亦唔係夜神月 係流克!!

1)究竟有幾多本死亡筆記?
答:兩本
2)點解L無死到??我睇唔明佢解釋個段...咩咩23日13日?
答:因為死亡筆記有條rule係寫個名係死亡筆記度係寫先為準, 因為L先寫自己個名係23日死去, 而雷姆遲過佢寫, 所以L無即死.
23日係指寫左個名落去後可以寫23日行動, 最遲第23日就要死,
13日係指夜神月做出黎既假規則. 內容係如果有人寫過名係死亡筆記度, 13內唔寫第二個名就要死.
3)夜神月要求死神加多條咩規條?
答:就係13 日內要寫第二個名果條規則
4)L係幾時換走左彌海砂本死亡筆記?
答:幾時都得...因為彌海砂係唔係好小心既人-_-|||
5)結局完之前,L係咪死左?
答:係死左..23日限期夠