請問系邊度可以買到未調味的靚牛扒

吉之島啲牛扒好靚。調咗味嗰啲更加好味，唔鞋嫁！佢地有派過一份叫做煎健康牛扒就係咁簡單嘅單張，恐防而家己派完，我而家抄俾你:-

(1) 挑選牛扒
***選購肉色鮮明牛扒，脂肪呈奶白色。
***檢視包裝上的保鮮期是否已到期。
***選購澳洲草飼牛扒，其脂肪集中，容易切除。
***澳洲草飼牛扒含脂量及膽固醇最低，是健康的牛扒。

(2)準備工作
***不必用水清洗，用廚房紙巾抹乾牛扒表面即可。
***煎牛扒前不必用鹽醃味，因為鹽會吸乾水份，使肉質變老。


(3)時間掌握
***燒熱油鑊，將約2公分厚的牛扒放進鑊內兩面各煎2至3鐘，即成3分熟牛扒。
***轉中火，兩面再各煎2分鐘，即成半生熟牛扒，若需全熟，可再各煎2分鐘。
***用鑊鏟輕壓牛扒表面，感到柔軟的話，肉仍很生，肉越硬，表示越熟。

(4)健康秘訣
***挑選纖瘦的牛扒。
***盡量切掉牛扒上的脂肪，以盡量少吃動物脂肪為原則。
***不要用動物油例如牛油煮食。
***應多用菜蔬、烚薯或焗薯伴牛扒，莫用炸薯條、炸洋葱圈等高脂食品。

(5) 簡單伴汁
***可用現成的瓶裝或小包裝牛扒汁。
***或可在煎好牛扒後，利用剩餘的油以慢火爆香乾葱、洋葱、蒜茸、羗茸或其他香料，放鹽、胡椒粉，加上湯或鮮忌廉煮一會，埋生粉獻即成。
***以此方法可隨意加入其他材料，例如蘑菇、冬菇、西芹、紅蘿蔔等，然後用各式醬料例如蒜茸辣椒醬、蠔油、磨豉醬、甜酸醬等調味，便可泡製出各式各樣的牛扒汁，請依你的經驗嘗試作出各種不同的口味。

citysuper 我見過有靚牛扒

你可以買 煎牛扒 專用黑椒香料

買牛扒要買鮮紅色,牛肉要有肥,個邊有肥都算好,要唔要骨就除你.

唔洗醃味 用清水洗

洗完後可以加o的酒用小小粉撈一撈, 哩個步驟可以唔做

立即加油落鑊

落鑊要大火,如果見件扒好似好易黑就較細火小小.但通常冇咁易黑,

之後加黑椒一路煎一路加,加完未煎果邊先, 到件扒30-40%熟

就反轉又加黑椒

如果你想知件扒幾時有幾成熟,你就要用叉吉一吉件扒 如果件扒係好淋就代表未熟.相對硬

就代表唔熟 要煎幾熟就自己預喇.

千萬唔好反來反去咁煎,因為會難預個火位去到件扒邊個位.

起牛扒時可以加小小酒或加牛油去大火煎一煎 咁牛肉味就會好香好重.


如果件牛肉靚係唔鞋o既.

你可以試試 .

2006-11-12 01:13:38 補充：
硬就代表熟

一定係九龍城有間牛扒專門店(近永富生果)牛肉種類比吉之島, citysuper多, 而且靚仲有和牛, 不過當然貴d。鍾意食牛, 好似我咁唔買都要去睇下。

2006-11-12 01:08:29 補充：
靚牛扒就一定唔駛醃,否則去扒王之王都得啦。用廚房紙抺乾表面, 煎前1分鐘加即磨的海塩及黑椒。於鑊中下點油, 燒熱油但又不能太熱, 否則牛扒表面只會太燶。兩面各煎2分鐘。待涼一會讓牛肉稍鬆弛, 才是吃的好時機。吃時可點些芥末。