點解sunday sd一個sms 要 $1.5 咁貴ge ??(sd去隔離台)

每一個網絡商都有佢好同唔好o既地方, 有一o的消費者會睇價錢, 有一o的睇服務項目, 有一o的又睇網絡接受. 因為有咁多唔同類形消費者, 一間網絡商就會因應有唔同市場方針(賣點). 身為精明消費者, 應該對用緊o既網絡商知多o的o既!!!

Sunday會收客戶跨台短訊(發送至其他網絡的短訊)HK$1.5一個, 主要收o個o的唔係經常發短訊o既客人. 因為Sunday個台o既市場方針, 係鼓勵客戶介紹朋友用同一個台(佢offer經同台帶上台o既客戶有幾多優惠!), 宜家新上台客戶, 除左跟其他網絡商一樣有同台免費短訊服務外, 仲有同台MMS(多媒體訊息)都係免費.

如果你打算之後用得多跨網短訊, 可以考慮加Sunday一個短訊易套餐, 咁會有低至HK$0.41一個短訊. 另外Sunday客戶用短訊, 亦有一項有別於(或者優勝過)其他網絡商, 客戶除左係外地收短訊係免費外, Sunday亦提供網上發短訊唔需要客戶額外比服務費(我用緊3要額外加HK$1.5一個), 客戶亦可以係網頁設定指定日子先發出短訊.

其實每個台都有優同劣o既地方, 身為消費者當然有權知清楚, 你可以得閒上佢個網頁睇下, 或者唔明打去24小時客戶熱線, 個人經驗, Sunday既24小時服務熱相較Smartone同3, 算係最快有人接, 我曾經打去3報失, 成粒幾鐘至有人接聽...

Sunday網址: www.sunday.com.hk
Sunday熱線: 2113 8000


***希望資料比到你有參考作用, 做個精明消費者!!!!

p.s.最平發短訊應該係3, 但無短訊套餐加, 如果用得多, 計埋加套餐, Sunday仲平過3添! 另外你比Sunday收左個HK$1.5一個短訊, 如果唔太多, 打去熱線可以豁免o的收費o架!!!Sunday既接受就一般, 但佢o地o既客戶服務算行內數一數二.

SUNDAY一D都唔好....唔好誤導人啦...佢 d服務超差...講左中止服務都唔幫你close file 要收你錢...追成幾個月...離晒譜...=.=

因為佢係公司決定ga嗎..無得解ga wo.不過咁..可能因為唔多人用sunday..用得sunday個d又唔多send sms 所以佢要係send去其他台ga sms度收返錢~~可能咁佢都搵返唔少ga啦~如果唔係可能要摺埋~~如果你覺得貴我建議你轉台~~因為我諗後生仔都唔多人用sunday