應否立法禁止傳真廣告？

應該，尤其係半夜三更擾人清夢嗰啲。去電訊管理局投訴都冇用，淨係將你嘅電話列入不接受傳真名單內，嗰啲人都當呢張名單流嘅，一啲阻嚇作用都冇。如果可以立法，佢地繼續向不接受傳真名單發送廣告，我哋就可以揸住張垃圾傳真告發佢地，等佢地受到法律制裁。

其實佢地都好傻，收到嗰啲垃圾傳真都嬲到震，又點會幫襯佢哋吖？正是損人又不利己，只益了嗰啲幫人發傳真廣告的公司。