砌機問題?

唉~~樓上又唔知講左咩出黎...


首先答番係RAM係唔係要配合CPU ge問題la~~
lee個係要ge~~你要睇番你CPU幾多FSB~~除2就係你RAM要用ge頻率~~
以Core2Duo E6300為例~~FSB係1066MHz~~咁你Ram就要係DDR-2 533或以上...
(雖然lee個計算方法唔係咁好...不過都可以作為參考ge~~)
又或者你查出粒CPU ge倍頻同時脈~~以時脈除倍頻乘2就係Ram要用ge RAM頻率~~
又用番Core2Duo E6300為例la~~時脈係1833MHz~~倍頻係x7
1833 / 7 * 2 = 523.7......即係要用DDR-2 533以上~~


第二條問題...點揀...lee個問題可以有好多方面去講...
如果你係正常用途(打機、文書、平面繪圖...)
lee d就睇你部機大約想砌幾多錢~~簡單d分la~~
成部機$5,000以上...就應該用Intel Core2Duo或者Core2Extreme ge~~
$5,000以下就應該砌AMD~~因為AMD響中下階方面比Intel CPU平d~~
如果計同價位ge話就會係AMD效能高d~~
以AMD Athlon 64 3000+同P4 3.0G同P4 3.2G做比較~~
AMD Athlon 64 3000+佢效能會高過P4 3.0G~而且同P4 3.2G效能差唔多~~
(lee個係測試出黎ge結果~~)
但係AMD Athlon 64 3000+係賣緊$550~而P4 3.0G同3.2G分別係$598同$698
E6300再上就E6600~~E6400唔要係因為佢效能冇乜上過~~
用E6300輕輕超一超就有E6400效能...除非你想超到好盡~~否則用E6300 la...
不過如果你係做立體繪圖的話...你可以完全唔理Intel CPU...
因為Intel CPU響做繪圖方面ge效能低...仲要係愈出愈低...
可以睇佢地FPU / ALU~~P4時代係最高...之後PD就跌去1/2~Conroe甚至跌去1/3~~
而AMD就一直做好~~
(因為K8設計係用左3個complex decoder~要黎做立體運算arm sai~
Intel得1 complex~3 simple)

響第三條方面...可以話~主機版係要黎係提供一個電路令所有硬件能夠 [通訊]~
同時各硬件都需要晶片去令佢有發揮應有能力...
可以話...主機板先至係成部機ge靈魂...冇左佢...其他野都只係一堆硬件...
佢唔好~~亦都唔會發揮到其他硬件應有能力...
點買主機板就要睇番你買咩CPU...第一樣要睇係Socket~第二樣係晶片組~~

對番Socket~同晶片組~Socket對番住就得...lee個唔難...
而晶片組...用C2D就建議用i965同i975x~~因為lee兩個晶片組係為C2D而生~
i975x比i965優勝ge係進一步發揮C2D~而且支援Crossfire~(兩張ATi 顯示卡...)
i975x仲未支援到SLI...(兩張n記顯示卡...)因為n記未授權比intel咁做~
(坊間有cracked BIOS做到支援~)n記遲早都會授權ga la~~(對抗雙A~)
而PD就用應該用i945~~因為佢一update BIOS就用到C2D~有升級空間~
而且都係為PD而生~AMD就麻煩少少~nForce4晶片組有部分行到SLI~
(不過Crossfire同SLI真係唔多抵...2張夾埋...其實係得1.2-1.5張ge效能~)
用nForce540或以上會好d~又或者GF6100都得ga~揀左晶片組就睇廠同價錢~

想要穩定就買Gigabyte~近期愈做愈好~
ASUS唔係唔好...不過要睇顏色...黑色版先好買...(穩定 穩超)
其他色可以話佢用料定為唔需要用到最好~~(簡單d講...唔好~特別係黃色)
想超頻就用Abit~BIOS入面ge SoftMenu係佢ge代表作~
平價板方面...建議用ASRock或者MSI~~用料係就係冇咁好ga la...二線廠...
不過賣點就會係平價加多功能~個人比較鐘意ASRock~

第三個問題...火牛方面就唔需要配底板ge~~
就需要計番你用咩件~~計番佢用幾多W~~加番100W就係你應該用ge牛ge火數...
http://www.extreme.outervision.com/psucalculator.jsp
響上面個網查番你個組合要幾多電la...
另外...千其唔好用人地送ge牛或者跟機火牛...GTR、G-Tech、I-Cute都唔好用...
lee d都係用料唔好~~而且又唔足火ge牛...
GTR、G-Tech、I-Cute果d仲成日爆炸ga tim~~(可以去yahoo search [GTR爆炸] 睇睇)
建議買Seventeam、SPI、AcBel、DELTA、Antec TP, TP-II, TruePower Trio, Neo系列、Cooler Master、2theMAX GPV, GPX, GS, PRB系列、TAGAN~~
lee d廠出ge牛都唔錯...有d廠我特別劃定邊d系列...
並唔係因為其他差...而係lee d系列絕對值得推薦~~(因為效能真係好好~~)

至於自己砌定叫人砌...如果你識得自己砌當然係自己砌la~~
不過人地如要當你水魚咁呃...咁你自己砌定人地砌都係會呃你ga la~~
最重要係你自己小心d~~
砌機...第一樣野係唔好拎起人地d單張...通常d單張係知清倉底貨~又或者係食水最深ge~~
第二樣野係自己清楚個市價...
http://www.hkgolden.com/hardware_price/cpu.asp
http://www.jumbo-computer.com/
lee兩個網都有價錢提供...買機果日睇~預出到高登每樣硬件相差$0-$20 la...
通常人地樣兩樣突然食多$50~見冇異樣就當你水魚ga la~~
仲有...買果陣問清楚有冇lee個廠ge貨響度...
睇清楚張單同你本身揀ge貨係唔係一樣~~
(特別係廠名...雜牌同名廠個價錢可以差好遠~~)
比錢最好剩係落少少訂...你一日未比sai錢~~佢都唔敢亂黎~~
如果你買散件~~記得要問佢有盒先好要...個盒要未開過...
最好上廠個網睇清楚件貨個樣~~logo個樣~~
睇清楚件貨個樣係唔係你見過果個...睇埋logo~~
(佢砌就叫佢拆開機箱睇~~散件就睇盒面~~)
保養證要件件貨都有...數arm數...張張都要有佢鋪頭印仔~~
對齊sai d野先好走人~~最後要講ge係...如果你自己唔識得揀料...
都係問人點揀la...睇人地點樣揀同咩廠~點令部機平衡d...慢慢就會學識ga la...

講得好detail，好有用呀！想問你是否之前在西九做的賓治呢？

Hello~!

選Ram要睇你用的CPU外頻, 和主機板的支援?
例如行800外頻的CPU, 就要買400外頻的Ram. 行533外頻的CPU, 就要可以用266, 333, 533和1066外頻的Ram. 還有買些大品牌, 千其不要信售貨員推介~! 最好買註明由美國或韓國生產地的品牌~!

如何選擇CPU?
最好買IntXX(Yahoo不可以出全名做廣告)品牌的P4D 945. 約$13XX.

主機板選擇?
我自己就用出CPU品牌的主機板. 買主機板要睇用那隻晶片? i975晶片就較為高級~!

火牛選擇?
買火牛要好小心~! 因為好多人都不會注意火牛選擇~! 求其買機箱連雜牌火牛. 記得一定要買隻靚牛~! 供電夠穩定, 對個系統都會穩定~! 建議買2theMXX品牌起碼500W火牛~! 這品牌出的火牛幾好~!

邊個砌好D?
你識砌, 當然係自己一手一腳砌好~! 但如果[o吾]識? 就應該找個識砌機的朋友, 一同去買. 回去要他教你砌~!

總括來講. 買硬件一定要拿收據和保養卡, 收據和保養卡一定要店舖蓋章~!
你買前可以上高登網站瀏覽, 網站睇參考資料~!

希望能夠幫到你
哥布拉黎上