如果求返黎既愛......係咪好冇自尊?

1. 當個女仔想求返佢果陣時 個男仔會唔會同返佢一齊?
你講到個男仔咁冇所謂既, 鐘意分手都冇咩所謂既, 分就分既,
真係可能會有機會同番一齊架~~ 因為佢冇咩所謂嘛
2. 咪就算個男仔同返佢一齊 都係因為可憐+無所謂?
我覺得係呀..... 無所謂就實係架啦....
3. 就算個男仔唔會咁諗 咁一齊返之後又肯唔肯定會幸福?
本人認為冇啦, 因為佢都冇咩所謂先至一齊, 到真係搵到個佢自己鐘意既,
未又係同番你分手.....
4. 就算一齊返之後 個女仔會唔會又因為覺得個男仔唔鐘意佢而再分過呢?
會, 我覺得會既機會好大囉.....
5. 咁樣求返黎既愛情係咪好冇尊嚴?
我認為對個男仔黎講, 個男仔都會咁諗個女仔架,
其他人都會咁諗既~~ 咁當然有人唔係咁諗啦,
睇下邊個啦......
6. 係咪個女仔抵死呢?
係呀.... 個男仔仲可能會同佢d fd話呢個女仔tim呀....
咁當然人人不同啦.....

係呀!!!唔會有結果

呢個case係個女仔有d無聊之餘, 個男仔亦都唔愛佢啦!! 因為被人"飛"喎...始終會心有不甘
o既, 點會咁容易話分就分呀!! 如果個女仔想復合就唔係去求佢, 而係同人道歉....咁樣可以表示誠意同埋個女仔傷害左佢嘛! 重要問一齊之後o既野, 人哋唔嬲已經好好彩喇!

好明顯個男仔都唔鐘意個女仔, 只係佢想等個女仔問口講分手先, 求返黎既愛, 係唔會長久既, 而且, 以求返返黎既, 都唔叫做愛情啦, 做任何野都要付出代價, 個女仔一開始講得出口話分手, 就應該諗清楚後果會係點, 當個男仔係咩野呀? 要一齊就一齊, 要分手就分手? 我建議個女仔都係唔好再搵個男仔啦, 如果個男仔真係鐘意個女仔, 會搵返個女仔架啦, 就算個女仔再同返個男仔一齊都係再一次hurt多次個男仔架啦~~咁又何苦呢~

首先唔好計較有冇自尊，而係個男仔根本唔鍾意個女仔。如果唔係個女仔提出分手個男仔點會不在乎？就算今次個男仔肯一齊，遲早都分開，長痛不如短痛。