我想問富士鋼琴城d 琴ok ma!

唉你要買平嘅琴就不如租部琴返屋企練好過,市面上有好多琴行都有租琴服務只須俾一筆按金然後每個月交數百元租金(租金要視乎琴的型號而定)咁就可以將部琴租返屋企用,到你冇心機再學就可以退返部琴返琴行,如果佢哋睇過部琴冇大問題咁啲按金就可全數退返俾你好方便,或者你有心學先再去買部新琴囉,總好過你去呢啲乜乜鋼琴城度買因為你唔知部琴嘅易手程度有幾耐,我有個朋友去咗呢啲琴倉買結果俾人呃咗要換過部新琴囉,宜家啲人會喺賣琴前攞啲琴返大陸翻新過先再賣所以廿年貨嘅琴都可以好新,我哋呢啲教琴成十年嘅老師都唔識睇要靠有經驗嘅調琴師先識分囉更何況你係初學呢,千祈咪貪平因住貪字得個貧呀!!嗱如果有咩問題可以msn or send e-mail問我!!msn:[email protected],e-mail:[email protected]希望幫到你啦!!p.s.你講個牌子係韓國造但多數都係大陸按裝囉我之前有學生用呢隻琴啲手感同聲唔係太得囉你考慮清楚啦至於租琴上門你可以上青苗琴行個web-site睇睇,佢哋有呢個服務.

OTTOSTEIN琴是korea出產，觸鍵感實淨，唔挑剔音色既話，夠用至8級以上，琴的價錢又唔太貴，選個高身既，大約$40000以下就有，一定要買新琴，通利琴行代理；除非有熟人出讓，否則不建議買二手琴。
SAMICK是OTTOSTEIN同一間琴廠生產，也是通利代理。
富士鋼琴城？未聽過，除非有熟人出讓，否則不建議買二手琴，亞洲鋼琴城、名古屋，聽聞賣翻新琴。(廿年琴齡以新琴價翻新出售)