想問幼稚園讀下午班是否不好

讀下午班唔代表唔好
我以前間學校下午班小朋友唔多
老師反而多d時間留意佢地~響學習上更可以準備地因為差別教佢地
而且上下午班的課程係一樣的
唔會直接影響到佢地什麼
只係香港的家長比較傳統~總是覺得下午班唔好
但其實事實唔係咁
小朋友養足精神先返學~學習唔係更佳嗎
反之你要佢早上返學但佢日日返到學校都好累~根本聽唔到書的話
咁邊個會更佳呢
而且我覺得有一樣好重要的事情
就是小朋友喜歡邊間學校同邊間學校的學習環境較好
如果小朋友唔喜歡個間學校~佢入到去讀又點會開心~佢又點學到野
我有個小朋友佢唔喜歡讀全日~後來佢同家人講左~佢家人尊重小朋友的意見
結果轉返全日~小朋友學野好左~返學開心左~同家人關係都好左
所以小朋友的意願都好重要

兩間幼稚園都不同宗教背景，如果你冇宗教信仰，就冇所謂，寶血幼稚園是天主教，聖公會聖彼得堂幼稚園是基督教，如果你是某一教教徒，最好選番同教既。
其實好多家長想子女讀上午班是希望子女早睡早起，中午吃過飯後午睡一會再做功課及遊戲，下午班也有好處，讀下午班都可以早睡早起既，仲可以唔駛咁早起床，可以睡至上午9時，吃過早餐、溫習一陣、少少遊戲，吃過午飯，慢慢返學都未遲(下午班一般12:45pm-1:15pm上學)，4:30pm左右放學，還可以小睡30分鐘恢復體力。
我小時候讀下午班的，自己覺得下午班唔錯；到之前做過幼師，經驗告訴：下午班人數較少，老師有較多時間同小朋友溫習、睇功課都個別0的，比上午冇咁急。而且由於人數較少關係，小朋友既互動也較多。

我校校長曾經係電台做訪問時亦被問及此問題,我記得當時她答:不會!有時D小朋友反而會因太早起身而冇咁精神,下午班er小朋友返黎時會較精靈!
其實我覺得上下午班都冇所謂,小朋友仲細,只要你識幫佢調較時間,佢好快會適應!
至於得一班下午班,我覺得冇問題,吾會影響到小朋友學習架!人少D老師會照顧足D!
聽你er語氣,你第一選擇都寶血啦!最重要你鍾意呢間學校!

如果你喜歡聖公會聖彼得堂，便去看看有沒有上午班
但你要從寶血幼稚園和上午班來比，您認為哪一樣for 您女兒比較好?

讀早上班其實除了早上頭腦清醒外, 重可以養成早睡早起的習慣, 咁您就要想一想學校同小朋友邊樣重要d啦

唔好,因為現在很多幼稚園是全日制的