有去過日本的人進來吧！

日本咁大,好玩的地方多得很,動靜態都有,係唔知你like邊樣多d

日本好味的食物又係好多,我覺得神戶牛,日本的cake,新鮮魚生真係好好味

衣服好難話邊度會平d,即使有平價區,都睇你係咪鐘意先得,hk 深水埗果d夠平啦,但唔代表人人都like,日本d outlet係平,但係咪一定買到野就見人見志!

和服,浴衣買返hk做咩?你開影樓的嗎?一件和服有14層,唔會平得去邊,更唔會輕得去邊啦?如果你想著黎玩下,去京都啦,有和服出租,可以化個全白面的粧,影d相留念,咁咪得囉,有錢都留番在日本shopping d有用的東西啦,買和服番hk,唔通你會在hk著住出街咩?

不會說日語都去到日本的,一係join tour,一係自由行,但之前要plan行程做d功課先得

帶幾多錢去,人人唔同的,如果你join tour,咁到埗後開支唔會好多,因為食同交通都包左,join tour唔會好多時間shopping,如果自由行,你要計晒你會行程的必需開支,例如交通費,入場費,有d食店你一定會去,咁預晒lee d錢,再計其他散餐,會買幾多個名牌袋等

日本d野,多數你會覺得貴過hk,仲要付5%消售稅,例如買banana,300yen得6隻左右,一個車站便當都500yen以上,我地hk的快餐店都係$20一個碟頭飯,但日本的生活指數係高過hk的,佢地d人工都高過hk的

紀念品?無必買的紀念品的,但你去到d景點會有d只有在果區先出售的紀念品,例如京都圖畫的hello kitty物品,只有東京disneyland先有的物品,去到d景點自然會見到

可去荃灣租和服
http://hk.88db.com/hk/Views/postDetails.aspx?PostID=699214
租和服費用是350元兩日, 400元3日按金800元(套裝包含：和服350元+腰帶220元+帶締20元+帶揚26元+草履160元+綁帶4根20元+伊達帶1根20元+帶板15元 =831元 )

浴衣零售 350元全套(浴衣+手袋+木屐+腰帶)

講真去得日本都好難唔預多d銀彈!~ 無論志在去玩遊樂場, 去買電玩, 去買figure,去食, 去浸溫泉or ice ski.....

睇你問既, 都係shopping為主~
咁呂原宿適合你去啦~ 型人買衫必到之地~
唔會日語, 可以買本travel guide既書仔, 如果唔係同日本人高談闊論既都ok夠用既~ 又有得介紹好去處
同埋可以寫中文communicate都ok架~ 不少漢字佢地都會估到講咩既~ 好過講英文~ (except Tokyo)

不過, 建議你諗左想做乜先choose去邊! 不妨第一,兩次係跟團去先啦~ 有d認識後, 再試自遊行會好d~ 起行前要做多d資料research, 無論跟團定自己去~ good luck la~^_^

你就咁講，我好難俾意見你嫁，一係你俾多ｄ資料我先至再問過啦～

你跟團定自由行定跟團再加玩多幾日?