你相信保險計劃書嗎???

的確有一兩間保險公司的紅利分派和預期的有很大差別, (剛巧這兩間公司都係藍色底的).

大家都知道係邊間, 因為好多人都有同你一樣的感覺, 我父母以前都係買佢地的保險, 我都冇眼睇.

你問佢點解會咁, 佢一定有好多解釋, 過去左的事實無法改變, 不過如果你想用紅利供張單, 我計過以佢咁既紅利率應該係到100歲都冇咩可能.

但又唔係完全無辦法供斷佢, 你可以考慮以下方法,
1) cut左張單, 攞晒d錢買一張一次繳清的終身分紅單, 不足之保額由一份有鎖定供款年期的保單填補.
2) 清繳張單, 不足之保額由一份有鎖定供款年期的保單填補

如果你已經供左15年, 清繳後不足之保額大約只需由一份10年供款的保單取代. (當然好視乎年紀)

我知果間公司為左留客, 會幫你用以上方法鎖定供款年期. 我比較過, 的確比轉單到其他保險公司回報好少少, 不過唔知仲信唔信佢個預期回報呢?? 真係見仁見智喇....

2006-11-11 02:22:24 補充：
大家都知果間公司d保單好多時都係自動加保.如果你唔係身體有d咩問題, 唔需要年年自動加保. 你send番張停止自動加保書番去就得.買保險應該睇個人需要, 要儲蓄唔一定揾保險儲, 要揾保險做儲蓄都唔一定要做whole life, 可以做endowment.好似個個同果間公司係果個時候買的保單, 紅利只係預期的三分一, 唔係得你一個係咁.如果你唔係打算10年內cut單, 建議你用我以上講的方法重組保單喇.另外兩間公司的agent一定好樂意同你做.如果你已有打算10年內cut單攞錢退休, 咁就一動不如一靜.

其實在個人財務管理之, 保險係頗重要的一環, 正正所以要慎選好的保險公司。
個人覺得保單還保單, 投資還投資會比較著數, 因為投資相連的保單, 通常都比唔到純投資的較高回報收益

咁你在買的時候應該問佢我可以供幾多年之後唔需要再供！咁呢個問題唔會再出現！加上你年年都update你應該可以轉換成一d有供款期的終身保險，咁都唔會有咩問題！
不過你應該同你個經紀傾下有無咩方法可以幫到你，因為你成10張單在身，你一cut左我估佢都會好頭痛下，加上5年 , 12 年呢d是要睇你個計劃適唔適合用，加上紅利唔是年年都有要睇公司盈利同分息幾多！
如果你85買而家差唔多20年，照計應該可以用紅利供！
如果你是儲蓄可以提出拎走，不過利息會小得好多，起碼維持你個生活先！

係咁架啦~~所謂的「紅利對減」，當你買左單的話，就會「紅利狂減」。話有 9% 一年，實際上得 3% 到，有時仲低過放銀行定期。保險就真係保險，用保險去儲蓄的話，倒不如自已做其他投資算罷。我有個朋友的保單，買之前個 agent 講可以是 15 年就開始唔駛供的，是保單自已供的，但實際上過了 15 年都要繼續供。而果個 agent，大抵上是轉了行……無辦法，到到最後，公司一句「你情我願」就為自已解辯 / 無得駁了。

所以，買任何保單都要睇得清清楚楚，所有條款要知道，例如危疾的 cancer，有邊 d 部係公司指明唔包，要睇得清楚。唔太清楚就買的話，最後索償唔到的是自已。

另外，何解你會買 10 份保單咁多？

儲蓄那種我個人覺得有少少 tricky 的。前幾年經濟唔好，3% 回報，遇著 -3% 通縮，咪有賺。但依家 3% 通帳，結果好明顯……

每年都加保額？恐怕個 agent 真係非常多謝你的選擇……

如果你最近沒有工作，你睇下保單可以點保單貸款。囉返 d 錢出黎~~10 份單真係太多。

唉……將來小心 d 啦~~

你所遇到的事，我都見過好多，大部份來自某保號，通常每年加保，例如：90年開始買第一份，到2000年數一數多了六、七份。 其實一份保單夠靈活的話，無需年年加單的。

保單上列出紅利分兩種：1) 保證 (按不同計劃的條款)；
2) 非保證 ( 計劃書一般有寫明某些利率是假設的 )


這十張單不知何時用紅利供???
甚麼5年,12年,15年可以免供都是假的??????


至於供款多少年就可以自動滾存，投保人不需要再供款，則要看保險計劃的供款年期、每月保費，及保險公司投資回報率等多方面的因素，不能作出估計。投保人還必須注意，建議書上的回報率純屬假設，並非保證。現在的銀行存款利率與兩年前相差逾倍，加上金融風暴令盈利下降，保險公司投資回報率自然受到影響。因此，投保人應有心理準備，你的保險計劃可能需要多供數年才可以累積足夠紅利或可動用現金。

假如你供款數年後，暫停一段短時間，的確有可能。原因是有儲蓄成份的壽險類型，經數年供款後會有累積現金價值。如果投保人經濟出現問題，可暫時利用該筆現金價值繳付保費，但現金價值一旦用罄，便要恢復供款，否則合約會失效。

買保險最重要是確保保障範圍符合自己需要，投資回報只屬其次。再說，保險公司的投資實質回報率，受很多市場因素影響，不能一概而論。保險公司多數會根據過往業績及市場投資環境釐定一個假設息率來計算回報價值，不過有關數據純屬參考，不能視作保證收益。

投保人應事先了解保險公司近年的投資表現，並且與投保建議書上列出的預期收益比較，再客觀評估保險公司釐訂的息率是否過份樂觀？是否與投資市場的回報率脫節？無論如何投保人必須緊記，預期回報收益越大，風險越高，投保人要衡量可不可以承擔風險，方決定是否購買保險。

你的agent有沒有定期為你檢查計劃進度？ 售後服務如何？

有需要更多資料，可以e-mail 聯絡 [email protected]

其實你是說得對的, 保險計劃書中, 計算現金紅利是用十多年前的利率, 6% - 8 % 來計算的, 但自從97 年後..利率跌至得0.5% - 2% 到..但你計劃己是十多年前定下來..利率當然沒變, 是用十多年前的利率, 而你亦可以留意一下, 計劃書中列明利率只作參考, 不是Guranatee 一定有這麼多回報, 當你買保險時, 你的Agents 當然沒有跟你說明這點,
而你是不用妄想用紅利供保險, 你的利紅只夠你供一,二年的保費。