跟團好定自己去好呀？

東京,大阪係比較易自由行的,跟tour都有好處,你真係去到多d景點,自由行係會花時間坐車,去唔到太多景點,但好處係自由,唔會趕鴨仔

關西,即係大阪,京都,神戶,奈良等地的交通比東京易,東京的地下鐵係連唔係住在東京的日本人都覺得複雜的,但你去之前plan好個行程,有問題上d forum度問下人,咁就會好快明白其實唔難的,同埋d人會話你知去邊度可以食d咩正野,lee d都係其他人share自己的經驗,咁唔洗只係靠本天書,會中肯d

你第一次去日本,唔好一日plan去太多景點,更唔好係唔同區都plan,choose d一區之內有多d你想去的地方黎去,同你一起去的人一齊plan,2個人真係要互相照應先得,如果唔係你會好tired,買本旅遊天書look下,自然識得plan

其實自由行同join tour的花費係差好多,只係自由行的話,你會食到好多你鐘意的食物,買到好多你like的東西

我第一次去日本係join tour,果時每日連自己身在邊區都唔係好知,因為跟住個導遊就得,連日本的map都無睇過,只係記得有去過邊個寺,邊個溫泉,邊個樂園

相隔幾年後,第二次再去日本,自由行,因為無經驗,朋友又全部旨意晒我,搞到我日日都好tired,都有碰過釘的,例如怕日日買車票煩,都唔識買la,所以懶醒買d 鐵路pass用,倒頭來係仲貴過買散票,但去到日本之後自然咩唔怕,唔明就咩都開口問人,日本人都好nice的,尤其係關西地區的人,東京係個大城市,可能你會遇到d cool 少少的人,但基本上日本人的表面個性都係好客氣的,唔識講日文,咁用身體語言,再唔係畫公仔都可以溝通到的,其實d天書都有d日文句子,必要時指住問黎問d日本人都ok的

你想11月尾去日本,如果係東京or關西的話,因為正是紅葉期,hotel早已經好full,到時d景點又係會好多人,如果你會choose去關西,咁不如12月頭去,你仲一定會見到京都的紅葉,而那時睇紅葉的人會少d,咁會free d,唔會去到d景點咩都要等好耐

你可以買package3日2晚,之後搬去民宿住,我12月頭都去大阪,住民宿,我第二次住lee間,唔錯的,而且民宿太太係嫁了去日本好多年的台灣人,咁有咩都可能問佢,佢好nice的

如果我俾suggest你,我會介紹你去大阪,我個人感情上都係like關西多過東京,我like d大阪人的熱情,可能係教我日文d老師,佢地多數都係關西人,大阪多野食,而且12月上旬仲趕得切睇到京都的紅葉,你又會多d時間可以plan到個trip,咁會好d,日本的紅葉同櫻花都係一年一次,京都的紅葉同櫻花真係靚得緊要,一生人一定要睇一次

去過一次自由行後,如果你enjoy之前plan行程的過程,咁係會上癮的,真係好好玩的

我住果間民宿,12月的3日至23日都仲有room可以book
http://www.mochi-3678.net/

如果你係第一次去日本，跟團比較好d，可能會走馬看花，但係去的地方會多d，咁你先知道邊到好玩值得再去，而且亦有人幫你安排交通及膳食。
因為日本的交通費都幾貴的，就好似一程機場巴士(成田機場-->新宿) JPY 3000 ==> HKD 201 (0.067算)。
自由行及跟團的實際價錢其實差唔多。分別只係在於一個就有人安排好所有嘢，而另一個自由度高d，你想住邊或者去邊都可以自己揸主意，不過就要兼顧好多嘢。
跟團只需俾團費、機場稅、小費，或者可能有一些行程中的門票及膳食是需要自費。
自由行就要俾機票、酒店、機場稅、當地交通、膳食及所有門票的費用。
未出發就咁睇價錢，當然係自由行平d。但係當你回程時再計數，可以仲比跟團貴(Shopping唔計呀)
而且你要知道日本人d英文係比較差的，雖然有漢字睇，但係你自問是否有足夠能力同佢哋溝通呢?

東瀛遊d團都幾專業的，因為佢哋係做日本起家的。

跟團比較安全D la, 至少不會迷路...
不過你可以跟去過日本ge朋友問下, 什至問問可不可以帶你去日本玩~
如果無朋友去過日本, 我建議你跟團去一次先, 之後你想再去日本就可以自己去啦.
其實我得旅行社無邊間特別好, 各有各啦. 最好選個名聲好D ge旅行社.
你親自去其中一間問問詳情比較清楚.

梗係自己去la
如果跟團去 會攪到自己好狼狽
跟團會局限所有野 such as 時間la 地方la
如果自己去雖然貴D，不過去到果度想點都得