咁其實點分abercrombie & fitch 係定假?

經我長時間觀察, 結論係無o係美加專門店買o既貨比較, 好多都難分真假!

就算太子同尖沙咀某商場所賣聲稱美國直接入口, 都可能係真假參半.

因為有d款式的確同offical site 個款一樣. 但同一款式o係唔同舖賣o既亦會有d唔同, 如車工, 質地, 顏色等細節上都有偏差.

d 舖賣好多款式, 在offical site 又找不到, 當然個site list 又唔係全部, 所以真係好難分真假, 而佢地d價又比offical 平少少, 有2佰, 3 佰, 4佰之間, 比起正價平成1佰以上, 如果真係由外國入價, 又似唔係咁合理.

反而花園街間中有d賣幾十至一佰左右, made in Macau 貨式又幾似樣同低買, 不過通常靚貸一出好快就無哂, 真係可遇不可求, 如果出o左一排都無人吼, 就多數係d 好假老翻.

所以結論一係等到A & F 進運香港, 一係去美加入貨, 或者係覺得好鐘意件貨而價錢又OK, 就唔好理佢真假啦.

至於網上賣緊o個d, 好多係花園街都曾經出現過o既貨, 但你而家已經唔可以去o個度搵到, 至於價錢當然要比人賺d啦, 合唔合理唯有自己決定啦!

2006-11-19 19:09:27 補充：
仲有, 唔好只信有hang tag 吊牌同認個織o麥, 有字衫褸, 拉練等, 相信老翩集團有大量供應, 而且做到可以亂真, 愈係多包裝, 愈有機會係假貨..

"一係等到A & F 進運香港, 一係去美加入貨"

字型!!!