有什麼有效方法去除生完bb 的妊娠紋呢? PLS HELP !!

現時市面上有不少減肚紋方法，近年更推出射頻機，聲稱能有效收緊肚皮、減少肚紋。記者找人花了4星期親身測試，看看這些機器能否有效殲滅肚紋，急救我們的肚皮。
知道香港有多少女人有肚紋？皮膚科醫生居然說：「孕婦有肚紋就像老人家有皺紋，咁普通 邊有統計！」一談肚紋，身邊大部分曾懷孕的朋友都話有，名人闊太明星亦不能倖免。
「我21歲生大仔時都無事。點知6年後生細仔，肚圍44吋，懷孕第5個月，肚臍位愈來愈痕，兩邊腰開始爆肚紋。當時好擔心，肚紋膏、BB油、橄欖油乜都試過，都無用。」
經朋友介紹，她用某牌子的肚紋膏，說林青霞亦用過。「別以為最貴就最好，幾百蚊一支，我買 10支，花 幾千蚊，但一 用都無。」
以上只是黎淑賢噩夢的開始，當8磅9安士的細仔出生後，她差點哭了出來。「生完後我瘦得好快，但個肚就慘。側睡時，肚皮墮下來，肚臍由圓變扁，兩邊腰一條條白色的肚紋，最闊有半厘米，見到堆肉就自卑，直覺無得救。
「最激氣係大仔見到我個肚，話我好肉酸，好似老婆婆，我激到想喊，跟他說，我生你兩兄弟才搞成咁。」
黎淑賢曾做situp，但做了一、兩個月，效果不顯著，加上忙 湊仔，沒再做下去。半年後，她經朋友介紹到皮膚科醫生處做機。
「類似激光機，用槍把電力滲透入皮膚，刺激骨膠原生長。做了三、四次，肚紋淡了幼了，但肚皮仍鬆。因做一次機要4,500蚊，太貴，後來都無做。依家又想再做機，聽說新機較便宜，看看能否收緊肚皮。」

做機可增收肚效果

圖片參考：http://sudden.atnext.com/images/next-photos/SuddenWeekly/588/160pixfolder/A588-021N/588bb_012.jpg

現 時 不 少 醫 生 和 激 光 中 心 ， 都 有 射 頻 機 幫 客 人 做 收 肚 和 減 肚 紋 療 程 。
黎淑賢想再做的機，其實是一種射頻機。記者找來張太作試驗，於中環一間激光中心接受射頻療程，聲稱能收緊肚皮、減淡肚紋。療程共8次，費用$12,000，1星期做2次，每次45分鐘。張太說：「第一次做射頻機，覺得個肚有少少熱，而部機好似啜住 肉咁。」
張太5年前生了女兒後，如黎淑賢般兩邊腰都有肚紋，較嚴重為肚臍位，因肚皮鬆弛，躺在 上肚臍便向下墜，形成一個深溝，女兒最愛把小波波放進去玩。「生完囡囡後，都有做收腹運動，又參加纖體療程，但肚皮同肚紋的情況無改善。」
最近，張太開始看皮膚科醫生，搽維他命A酸軟膏，每星期還跳肚皮舞，及每晚做100下situp和縮肚，再做15下掌上壓。但肚皮的慘況依然。


她接受射頻療程，發覺開始有功效。「我仍然搽藥膏、跳舞和做運動，但做完第三次射頻療程後，發覺肚皮收緊 ，躺下時深溝沒有了。有天早上起 ，摸個肚，感覺實 好多，好似有番腹肌咁，而且，肚紋都變淡 。」上周，張太做完第8次療程，發覺腰兩側的肚紋淡了70%，兩邊腰的肌肉亦變得結實，只是肚臍位置的表面皮膚仍然鬆弛，但深層的已有改善。「做機都幾好，有輔助性質，令我做運動的效果較顯著。」

做機得唔得?
皮膚科專科醫生陳衍里指，射頻是以冷卻系統先冷卻表皮，再將電流滲入真皮層2至4厘米，刺激膠原質，令肚皮收緊。陳醫生指，約10年前，香港已有人用射頻來瘦面，而近3年才用來對付肚紋。

圖片參考：http://sudden.atnext.com/images/next-photos/SuddenWeekly/588/640pixfolder/A588-021N/chart-21a.jpg

減肚紋運動
市面有不少減肚紋方法，但都需要配合運動，尤其是fitball運動。註冊物理治療師林達生指：「孕婦生產後，腹直肌和腹橫肌容易鬆弛，令肚皮墜落。順產後1天或開刀生產後4天，婦女可以步行、游水或做帶氧運動，幫助收緊肚皮，之後最有效是做fitball。」
★★★★★為難度最高，但最有效。

1.平躺地上，將fitball（售價約$100-$200，可於體育用品鋪買到）夾在大小腿間，用腰力將fitball夾向自己。膝跟胸形成30°至45°角。每次做2至3組，每組10至12下，每下保持5至8秒。可收小肚。

2.平躺地上，用腳夾 fitball，先將腳 高至30°至45°角，再將上半身慢慢抬起，兩手向後伸，伸得愈後愈有效。每次做1至2組，每組6至8下，下保持5至8秒。可鍛煉深層的腹橫肌。

3.這是動作2的改良版，較容易做，將腳放在fitball上，而上半身的動作跟動作2相若。

4.人躺在fitball上，腳曲成90°角，雙手交叉放胸前，慢慢抬高上半身成30°角。每次做2至3組，每組做10至12下。可鍛煉腹直肌。

5.用手肘和腳尖撐起全身，同時縮肚，保持頭、股和腳成一直線。每次做1至2組。初級每組做6至8下，每下保持5至10秒；進階每組做8至12下，每下保持15秒以上。可鍛煉腹橫肌。

注意︰
1.孕婦生產後，因為受到荷爾蒙影響，骨盆周圍的韌帶會比較鬆弛，因此進行腹肌鍛煉時要注意不可以太急進及過量。
2.如果本身有腰背痛或在懷孕期間、分娩後有腰背痛的情況，進行腹肌鍛煉前請先諮詢物理治療師的意見。









圖片參考：http://sudden.atnext.com/images/next-photos/SuddenWeekly/588/160pixfolder/A588-021N/588bb_017.jpg


圖片參考：http://sudden.atnext.com/template/sw/images/zoom.gif

1. 難 度 ★ ★ ★





圖片參考：http://sudden.atnext.com/images/next-photos/SuddenWeekly/588/160pixfolder/A588-021N/588bb_018.jpg


圖片參考：http://sudden.atnext.com/template/sw/images/zoom.gif

2. 難 度 ★ ★ ★ ★ ★






圖片參考：http://sudden.atnext.com/images/next-photos/SuddenWeekly/588/160pixfolder/A588-021N/588bb_019.jpg


圖片參考：http://sudden.atnext.com/template/sw/images/zoom.gif

3. 難 度 ★ ★





圖片參考：http://sudden.atnext.com/images/next-photos/SuddenWeekly/588/160pixfolder/A588-021N/588bb_020.jpg


圖片參考：http://sudden.atnext.com/template/sw/images/zoom.gif

4. 難 度 ★






圖片參考：http://sudden.atnext.com/images/next-photos/SuddenWeekly/588/160pixfolder/A588-021N/588bb_021aa.jpg


圖片參考：http://sudden.atnext.com/template/sw/images/zoom.gif

5. 難 度 ★ ★ ★ ★

生完先去妊娠紋呀? Too late...
預防絕對勝於治療; 我生過仔的老友心得: 一有咗, 就要開始留意自己的身體狀況. 唔只係為BB, 仲係為自己. 例如, 唔可以食得太多, 因為吸收過量營養, 都唔代表你個BB會好健康; 你自己肥咗, 唔只生得辛苦, 兼且減肥唔易, 個BB仲可能過重添.
另外, 食得太多, 仲要陀著個BB, 令到D皮膚好易暴漲, 皮薄或本身瘦弱的人, 好易D血管都現晒. 到你生完仔或瘦身後, D皮膚都起晒紋或者摺疊晒囉.
但呢D紋唔可能完全冇, 只能減輕佢顯現的情況或惡化. 要防範情況嚴重的, 一開始知道有咗, 唔好等個肚現至用; 即刻買D按摩膏或油, 又或者一D專去紝娠紋的美體霜, 學習按摩, 每晚用D去紋膏按摩皮膚.
最容易出紋的地方首推係個肚, 之後就係D容易水腫的地方, 例如小腿, 因為就算成日坐, 呢個地方都係一個人最下低的位置(唔計對腳). 另外, 視察自己邊處D皮最薄, 最容易有青筋或血管突現, 呢D地方都要按摩或抹上去紋膏, 以防皮膚因為體質、荷爾蒙改變而影響外觀, 例如微絲血管爆裂, 或者, 脂肪忽然增多, 撐到皮膚都漲晒. 到你瘦番就好易適應唔到, 走晒樣架!!