✔ 最佳答案
Maggie,
題中提到你已經有社褔界文職工作經驗, 所以我唔解釋社工要咩或何謂社工呢類資料...以下我提供返你應該點報讀同課程資料, 希望比到你有參考作用...
其實你中七畢業, 如果你真係有心入行, 學歷方面絕對夠資格報讀社工課程. 因為有好多讀part-time社工課程o既學生只係有中五程度. 題中你提到你就職於社褔界, 其實你可以o益現職機構幫你寫推薦信, 一來被取錄機會會大o的(因為part-time社工課程都好似日間大學課程要通過面試).
另外如果你現職社褔界, 你最好知會機構一聲, 關於你會讀相關課程, 咁一來前文提到你可以取得推薦信, 二來機構可以配合同相就你讀書o既時間(唔知你係咪輪休, 而且社工課程有一段時間要應學校安排去實習, 咁你o個段時間就要停薪留職), 正所謂山水有相逢, 就算你唔鍾意現職機構, 你就當尊重講一聲, 難保他日你畢業, 會轉一間同現職機構有關係o既公司...
**以下係所有提供社工課程機構及你可附合入讀社工課程基本資格:
香港中文大學社會工作學系(於同一次中學會考中考獲最少七科E級或以上成績)
香港城市大學專上學院社會科學學部(中學會考五科E級或以上)
香港城市大學應用社會科學系(高級程度會考兩科成績E級或以上)
香港大學社會工作及社會行政學系(會考七科合格,其中六科須於同一期考取,包括英文)
香港樹仁學院社會工作學系(在同一次香港中學會考中,考獲最少六科E級或以上成績)
香港浸會大學社會工作系(中學會考六科合格,包括中文及英文)
香港理工大學應用社會科學系(香港中學會考六科合格)
明愛徐誠斌學院(中學會考最少5科E級或以上的成績)
嶺南大學社區學院(完成中六,並於香港中學會考取得五科合格, 最少10分)
香港專業進修學校(香港中學會考五科合格)
****希望資料可以幫到你, 由於答案有字數限制, 有部份資料精簡左, 詳細資料請參考香港社會服務聯會網頁, 入面應該有齊你所需o既資料!!!
http://www.hkcss.org.hk/sp/careers/details.asp