LESPORTSAC

新款及較流行的一定唔減, 但大時大節(例如新年呀, 聖誕之類)就除外.
百零蚊左右一個類似載紙巾的袋仔(其實可以做散紙包), 大至十幾吋長的袋都有, 可以去到成千蚊一個袋架. 不過, 果d化妝袋或散紙包減價幅度較高, 而且, 減價款式亦較大袋為多. 一d常青或大路的大袋, 可能只係減到七折, 但d細袋仔就可以去到半價咁滯.
我建議去Duty Free, 或者大百貨公司的counter搵吓寶; 我有好多個LESPORTSAC袋, 細至鎖匙包, 大至成十幾吋長的運動袋都有. 我本來都係去專門店買; 我比較鍾意d淨色, 但佢淨色袋的價錢企得幾硬, 減得唔多, 反而d細袋同d已經新咗一輪的款式仲減得多. 不過, 每個人心水唔同; 我去過西田同先施, 佢地有d專門店已經唔賣, 或者較舊的款式都啱我, 試過買仲減到六折. Duty Free的係自己入貨, 所以, 有機會入d本地專門店冇的款式, 但有朋友話過氣喎.
我買過一個最平的LESPORTSAC, 只需$140, 淨色的普通放係膊頭果種, 幾乎係A3 size咁大添! 點解咁平? 因為我細妹果時係海港城樓上的office做嘢; 有meno貼係女廁內, 原來係樓下shopping centre的LESPORTSAC專門店, 有優惠畀海港城工作的人. 因為份memo只貼係office building的廁所內, 基本上只有果度做嘢的人先知. 而且, 果次好似仲要show你公司個pass, 證明你真係Ocean Centre的租戶添. 而家仲有冇就唔知啦.


2006-11-10 17:20:43 補充：
我唔肯定我講的是否係你所想要的style; 七年前買咗一個around $500, 不過係淨色. 用到家陣, 只係d線位崩咗冇補番, 因為我成日拎去機洗同焗乾, 但都冇事. 家陣果d同size或差唔多的, 好似都要六百幾七百. 下面果位朋友畀的website, 係網上購物, 要畀美金同埋等UPS送貨架, 要匯率又要手續費... 好似唔係咁化算. 你不如去香港的專門店睇吓d實物啦(詳細地址: http://www.lesportsac.com/external/locations.html). 香港都幾貼美國的style架! 否則, 我建議你去西田同先施, 睇吓佢地入的貨色啱唔啱你.

你去LESPORTSAC個網址 - http://www.lesportsac.com/

then按 what's new 有好多新款 / 新pattern / price 的 LESPORTSAC袋. 希望可以幫到你選擇到個靚袋用.

都要九百幾,減價都要睇款有時做半價,不同公司會有差異的,
永安同千色都試過有半價,
你要自己去睇,因為我喜好不等同你都一樣OK