點解有D貓貓係唔比個主人同佢剪爪ga？

好多貓都係淨係鐘意人摸, 唔鐘意人抱ka。貓甲長得好快, 尤其是手, 一、兩個星期就要剪一次, 如果揾人剪, 真係好麻煩且重皮。
貓唔肯剪指好多原因:
1. 剪指甲時, 俾你足住一隻手, 其他3隻一定要用黎平衡身體, 即係無得郁, 佢會覺得無得自衛, 好無安全感。
2. 有無試過剪得太貼血管, 搞到佢流血, 以後怕怕
3. 較剪是否太鈍太細, 有d好平好細把,20幾蚊一把果d, 好易剪爆佢d 甲, 痛佢咪唔肯剪囉。貓貓的指甲係由正中間向左右兩邊一層層禁生, 所以好易爆。
4. 貓剪指甲後好易線呔, 有時好矮的地方佢都跳唔上跌番落黎, 好hurt身心。
抱貓時, 除非貓貓對主人有絶對信心, 否則唔好肚腩向天, 因d個姿勢佢會覺得好危險, 逃走得好慢。剪指甲時, 令貓側身躺於地上, 捉著其中一隻手, 續隻剪, 如果佢縮手, 可輕拍佢手拗位置, 同輕聲叫佢個名同叫佢乖, 令佢放鬆, 如果都係唔制, 唔好要求一次可剪晒手腳, 唯有分幾次剪, 剪得幾多得幾多。平日摸佢時, 多d摸佢d手腳, 俾佢習慣吓, 佢有戒心咯, 下次就會好合作。

爪係貓0既獵食工具麻~

如果你真係想幫佢剪, 可以趁佢訓到傻下傻下0個陣落手~

再唔係搵多個人, 一路摸佢等佢好開心, (要摸耐d, 因為佢地真係好醒!!! )

等佢合埋眼0個下, 快速地剪~

我隻貓都係咁剪架~ :)

我有隻貓都係唔鍾意俾人攬,我的方法是趁佢睡著剪,或用一張浴巾包住佢只留爪爪在外面剪,小心莫剪太入!

貓都有自己個性，正如人一樣，有d人同人好friend，攬頭攬頸都可以，有人比人掂下都唔得。你隻貓咁惡，連主人都唔比面，咁可能要找獸醫幫忙

咁貓係好靠d爪架嘛，點會咁易俾人剪呢？天性o黎架~
等於一隻老虎，你要剝左佢d牙，佢咪冇晒用囉~

2006-11-10 11:50:50 補充：
反而我諗你試下整碌磨爪柱俾佢抓，等佢唔好抓人，睇下咁樣會唔會好d啦~