有無人係德國公司做? 德國人難相處嗎? 德國人講英文難聽嗎?

德國人講英文難聽嗎?
>>> 大部份英文都好好, 口音比澳紐人士易明
德國人難相處嗎?
>> 視乎你的性格。德國人可能是歐洲人當中最嚴謹的文族, 認真, 一絲不苟, 對工作準確性要求頗高。但以香港整體的工作文化而言也頗配合的, 他們也算是歐洲人中工作時間最長的族(但仍比香港人工時短)
>>另一方面，佢哋都可以算係歐洲人中最唔識笑，樣最不好看的人，因為佢哋認真嚴謹, 「拿」埋塊面。
>> 佢哋好鐘意飲啤酒，啤啤佢溝通感情也不錯，他們都是性情中人。
我以前serve過德國人老闆，合作愉快。

在一般歐洲人之中，德國人係較大情大性的．有 D 似我地既上海人．故應該唔難相處既．至於佢地 D 英文，咁就要視乎佢個人講得好唔好咋喎．我接觸過好多歐洲人，有 D 講得好好．有 D 好差 ka. 至於比較難相處既歐洲人，就應該係法國人同埋意大利人 lak.

我有朋友以前serve過德國人老細.
佢話唔難相處, 都好nice; 當然, 未必個個德國人如是. 不過, 德國人本性其實好保守同死板吓, 尤其d年紀較大的, 佢地好守紀律, 好有規條, 一如日本人咁. 但日本人表面好客氣, 而德國人就好易浮現架. 而且, 佢唔會好婉轉咁表示不滿; 我個friend打錯個字又冇睇到, 佢老細幾直接, 兼且個look幾嚴重咁指正佢. 在佢老細來說, 實情都真係幾緊要架, 不過, 個mood本來可以緩和d, 但因為佢好serious咁, 唔係鬧佢, 但就不留情面咁指出佢的問題, 我個friend尷尬到搵到地方摺埋都覺瘀呀!!
不過, 佢老細只係太過嚴肅同認真, 所以好嚇窒人咁囉. 我個friend話, 只要係認真做事, 就算真係有錯, 佢老細唔會發老脾, 只會指正佢的錯處, 勸佢改過, 畀心機做咁. 仲有, 德國人好守時架; 日本仔係出於忠心耿耿的愚忠, 但德國人係出於本性, 好似軍訓咁死古古果種, 有少少似唔識relax咁囉.
至於德國人的英文, 佢話, 佢老細年紀較大, 可能係較後期學英文的; 口音重而且幾硬, 可能係德國人本性卦(有少少機械化咁, 好直好硬), 但唔難適應. 如果係後生一輩的德國人, 因為明白英文的優勢及國際化, 所以早係讀書時已經學習英文, 口音當然唔會係地道美式或英式英語啦(除非出國留學或生活一段時間), 但絕對唔似老一輩咁生硬, 講到鏗鏗聲咁.