對姊弟戀睇法 ??

1. 如果對方有時表現令你覺得幼稚（無論係語言、處事方法……），甘幼稚的次數又好頻繁
2. 如果你只是依排出於感情空窗，沒有地方寄托，你自己都唔能確定對佢係一種“依賴感”還是“愛”的感覺
3. 如果你唔知自己係真正鍾意對方，還是你只不過習慣對方的存在，或者對佢有好感

就最好冇冒險啦，因爲——
1. 人是會變的，二十嵗前後的青少年其實有好多思想都未定形。待佢長大之後，對好多嘢的睇法可能都會改變，如果對方唔係一個真係好專一的男仔，同時唔係真ge有一顆好鍾意你的心，呢件事好難會有個好結局，如果係甘不如繼續做好朋友仲好啦。同咪相差十年，好少有家人會唔反對，如果沒有家人的祝福，只係受到冷眼旁觀，兩個人壓力甘大，可唔可以行到最後要打個問號。
2. 如果你只不過係感情受咗傷，搵唔到自己的重心，想搵個避風感，甘最好搵你的家人，其他朋友，或自己的私人工作、空間解決，因爲呢個時候如果行得太近，好易令雙方都加速產生依賴感而不自覺的誤解為增進感情、演化成愛，但係咪真ge係愛，都要冷靜d問番自己。如果分開一排，雙方都仲覺得好需要對方而唔可以唔見面唔講嘢，甘先係叫咗真正的愛情，個陣時再開始都未遲。但如果唔係甘，突然甘係咪一起，可能佢對你的係同情，亦或你對佢的只不過係依賴，一旦同情過咗，依賴不再需要，你地就不再有“愛”。而如果佢對你係真心，而你只不過想搵人陪，有個依靠，當你覺得自己唔需要呢種依靠的時候，你就會好傷一個好愛你的人，失去一個原本可以好知心的朋友，亦都可能因此改變他一生的愛情觀。站在公正的立場，我覺得甘樣對佢都有欠公平。
3. 相愛容易相處難，好多情侶都係交往之前好好，一交往冇幾耐就發覺性格唔合，品味唔同，興趣有異，於是開始有意見分歧，好之則互相遷就，唔好個d就換人。唔需要相差十歲，就算五歲，對好多問題的睇法都會相差好遠la，尤其處在人生的不同階段（相信你已經讀完書做緊嘢而佢……）。除非佢超成熟，或者你比較晚成，否則你地依家的所謂“投契”只不過係所有有結果或冇結果的情侶交往之前的一種假象，因爲當你對一個人有好感的時候，自然會順住對方的興趣去挖掘自己的相近之処，佢係甘，你都係。而當你地真正相處，呢d“投契”的感覺不排除可能會升溫，但都有機會好快兌減，一旦意見分歧，如果唔係你地互相遷就對方的觀點，可能談話就會毫無交集，到時之前佢的可愛可能就會顯得幼稚，你的沉穩可能就會變成古板，各說各話，導致冇法溝通的結果。
雖然有d人會問出甘樣的問題，其實自己心中都已經有咗一個模糊的答案，都希望得到大家的肯定或支持，但係居於以上幾個觀點，本人覺得都係慎重考慮下先再行下一步會比較穩妥啦。無論點樣，都祝福你先。

2006-11-10 03:16:18 補充：
頭先都沒有人回應，寫完之後發覺都有唔少不同年齡層的朋友好關注呢個問題，睇咗佢地的回答，我想補充一句：相差幾歲其實不係重點，結唔結婚、生唔生仔都係其次，呢d都可以日後再傾，關鍵係你地之間有冇真愛，有冇相濡以沫的決心，有冇互相包容遷就的心。如果呢三點全中，甘就恭喜你la，相信年紀、結婚、生仔呢d對於你地來説都唔係大問題la（因爲有愛所以事事都有的商量咯^^）

10yrs too much
u may just be good friends
obey the game rule of the society

冇問題..因為我女朋友大過我12年....只要真心就得..愛情係冇分年齡

why not???
愛本來就唔應該有界限,
你同佢又唔係親姊弟,
無謂因為佢細你10年,
或者社會上o既偏見而放棄一段大好姻緣丫~~
你自己都話你同佢好投契,
咁只要你自問你都鍾意佢咪得囉!
俾佢一個機會, 亦俾自己一個機會。
預祝你o地兩位幸福快樂!!

我覺我都ok可以試下
你同佢既溝通冇問題 , 仲幾投契 咁你對佢有無好感呢
如果你對佢有好感而佢又鍾意你,點解唔試下打破年齡既障礙去發展下呢

冇咩野者...如果係真心相愛的話唔會介意囉~

愛情沒有分年齡,只是分愛或不愛,如果佢真的心中有你,而你又放佢放在自己心中,又何必介懷什麼,至於你說溝通有問題,就要用時間去了解,或者你會發覺得佢真的很好