✔ 最佳答案
你乾洗係自己定交去洗衣店? 因為毛公仔唔應該用普通乾洗劑, 你要購買現成的絨毛娃娃專用的乾洗劑.
其實你唔洗一定乾洗, 我試過有o的白色毛公仔乾洗都唔乾淨, 你試下自己洗. 你可以手洗或機洗, 視乎你有無時間.
*手洗: 用洗衣粉或溫和洗潔精(我試過紅威寶唔錯), 浸泡在浴缸兩至四小時(睇骯髒情況而定)
*機洗: 你用洗衣袋入住佢至放落機洗(由於我怕fing爛, 會用好密lun個種衣袋, 日本城有得買, 十蚊個, 用黎洗絲襪都唔怕爛), 再加o的柔順劑.
洗完之後就要即克將佢風乾, 唔好俾o的水up住佢, 不過一般靚o既綿唔會積住o的水.
你可以就咁放係度曬乾, 最好放係曬衣架(或有lun既椅, 兩者放便排水), 但你想毛公仔易打理同保養得好, 請依以下方法:
- 將毛公仔o的毛梳順
- 風乾大約半個鐘, 等o的毛吸收下水分
- 用風筒將毛公仔吹乾(如果淨係將佢風乾而唔用風筒將毛公仔吹乾, o的毛就會變得立又易打結)
**你根據呢個方法, 用風筒吹o既時候一路梳, 毛公仔o的毛就會柔軟順滑, 唔會鬆晒
**但如果你洗完都有層灰暗(係之前灰塵積係度, 無及時洗), 可以將公仔拿專門賣毛公仔舖頭, 舖頭有專for噴毛公仔o既"氣槍", 幫你將o的灰塵噴走, 毛公仔o的毛就會變得好蓬鬆, 跟新一樣