為什麼人買狗、賣狗、唔要隻狗..?

電視都有講啦　【你既寵物可能係你人生中其中一件寶貝　但你係佢地眼中．．．你係佢生命既全部】

其實狗仔比人簡單得多，佢地既開心唔開心都只會為左佢既主人．

佢地開心唔開心都會喜形於色．開心既時候佢地會向住你搖尾．唔開心果時就只會自己坐埋一邊訓覺，唔會騷擾到你．

佢地既渺小唔係因為佢地無能力，而係佢地由一開始就己經選擇左、認定左你係佢一生中最愛．．佢地只會將一生無條件咁獻給你．

相反地，人　一次又一次咁出賣佢地．．．佢地無唔似你地身邊既男/女 朋友咁識得日日同你講我愛你，但我肯定佢地一定比你地身邊任何一個人更加愛你．．．

本人今年隻狗狗１３歲喇　＾＾ｖ　年紀大左佢開始有好多病痛．但我記得一年佢中暑(狗狗中暑死亡機會率約七成). 最後好彩大步攪過．醫生都話佢生存意志好強...好明顯知道佢好努力咁捱． 自此之後，我學會更珍惜生命．．即使係一隻狗都會怕自己既離開會令身邊愛錫佢既家人傷心， 何況係人呢．既然動物都識愛惜生命，點解人要抺殺佢地既權利呢．

Although I haven't had a dog, I 同意 your 看法.

我朋友仔都係啦
話要搬屋寄養係我屋企，依家足足幫佢養左四年啦
問都無問過自己隻狗點呀。
前排問佢要唔要返，佢竟然話你養到我搵過個人養囉
不知無謂架
佢第日要羅番都唔知俾唔俾番佢好呀
無良心架

有D人只係鐘意狗BB可愛，得意，活活潑潑，但當狗狗大咗冇咁可愛，得意，活活潑潑，咪唔要囉。唔要的時候好多籍口，又話咁又咁，送走咗呢隻，又買過第二隻BB返嚟，當狗狗是玩具,離晒大普。又唔知D狗揾人領養有難,又唔理佢地的心情。
那種把生命當生財工具的人,佢地的心態就是唔洗做又有錢收囉,佢地坐係屋企睇住狗狗一生就生4-5隻，平平地1000蚊隻都4、5仟收入啦!仲洗乜呀!自己有手有腳，四肢健全靠狗維生，我都唔鐘意呢D人。
其實幫一隻狗做rehome真係好有難度的！！

通常d人買返黎既狗都係bb狗, bb狗好Q, 又得意, 幫佢美容扮靚帶出街都唔會太麻煩及好貴, 但狗狗大左後買件衫俾佢都貴D, 沖涼剪毛又貴D, 住既地方都要大D, 所以大左既狗主人都唔會點幫佢打扮, 望耐左咪覺得唔再可愛, 轉送俾人囉, 然後行過PETSHOP見到D狗BB又好可愛, 又再買返屋企, 如是者, 不斷循環, 令PETSHOP長做長有, 繼續入狗BB, 狗場的, 甚至大陸狗, 想當年買一隻狗好貴, 起碼三四千, 而家一二千都有隻, 西施北京八百蚊都有, 貴婦犬好似係一個潮流咁, 之前又興八哥, 下次又唔知興咩, D貴婦好快就變成孤兒, 愛協而家都有被遺棄貴婦, 八哥喇! 其實果D人錢多, 根本唔稱得上愛狗, 愛狗的人養一兩隻就夠, 太多的話根本照料唔到及分薄咗對狗狗的愛, 同住PETSHOP無分別!

我也有同感!
養狗不是一時之快, 要三思!
對於那些成日換狗的人, 真是令人側目!
狗狗是一條有靈性的生命, 決定養牠就應該是一生一世的事,
養牠, 照顧牠, 愛護牠, 教育牠, 令牠能融入你的家, 你的生活.
而不是將牠只作一件玩物, 打牠, 之後還棄掉牠!
當你這樣對你的狗狗時, 有否想起牠曾帶給你的快樂, 牠曾保護過你, 你的家及你的家人!
做決定之前, 真的要三思!