1970年的香港的飲食文化

70年代的社會很簡單,都是日出而作,日入而息,餸菜非常簡單,真係鹹魚青菜,嗰陣仲未有煤氣,煮餸仲係用緊火水爐同石油氣爐(單頭煮食爐),火水同石油氣都係搵人送上門嘅。嗰陣仲未有發泡膠碗，外賣攞走就要帶個壼去裝，否則就要比錢按碗，食完仲要攞返去比鋪頭。早餐興食白粥油炸鬼腸粉，有錢嘅就食艇仔粥豬紅粥，一係就食菠蘿包腿蛋包同紙包蛋糕，西式就飲絲襪奶茶咖啡同奶油多士火腿通粉，嗰陣未有雞扒同豬扒，午餐大人就多數帶飯壼，因為無錢，無咩人會出街食，一係就公司老闆包伙食，餸菜都離唔開用花生油炒嘅青菜，蒸肥豬肉，豬油加豉油撈飯，煲湯多數豬腦湯，菜滾湯，無宜家D咁複雜，邊樣平就食邊樣，除非大時大節先至有得斬料，去西式餐廳(即現在嘅茶餐廳)都唔係咁普遍，我記得西式套餐餐牌一定有牛油餐包加西式餐湯(例如白菌忌廉磨菇湯)用麵粉開嗰隻，非常香滑，跟住就係一塊豬扒或者牛扒加D汁(未有鐡板)，最後就係咖啡或茶，仲有加一小費。仲有，細路仔最鐘意飲綠寶橙汁，屈臣氏哥啦(可樂)，七喜，玉泉忌廉，去酒樓飲喜酒就一定要叫汽水。

一、受到傳統中國相生互補、醫食同源哲學的影
響。
二、大眾日常飲食建基於以廣州為中心的粵菜，
七十年代以後經濟起飛，粵菜高檔化和精緻
化。
三、作為殖民地、轉口埠和人口流動樞紐，出現
了中國各地方菜系（如粵菜的客家菜、江浙
菜），以及外來食制（如英國、印度的口
味）。
四、作為國際金融、商業都市，引進了多元化的
口味，如法國、日本、意大利菜等。而生活
節奏急速，亦改變了原有的進食方式，帶動
美式快餐和即食食品普及化。
五、配合本地的飲食習慣，將外來食品加以本地
化，成為香港特有的口味。

希望可以幫到你