天台養狗需知

你養雪撬唔好放佢地係天台好喎, 一黎雪撬夏天時要嘆冷氣, 因為佢地係雪地犬, 熱辣辣仲放上天台, 冬天仲好d, 夏天都係放返入屋好d, 仲要空氣流通, 開風扇, 我果時住村屋三樓, 冷氣壞壞地唔涼, 我都生晒全身汗癬呀! 何況你果隻係雪地犬, 等陣甩毛甩到光脫脫呀! 之前我有個friend係天台養隻沙巴, 仲整左間狗屋俾佢, 點知一日放工返到去沙巴死咗, 原來間狗屋空氣唔流通, 果日又好熱, 卒之中暑死咗, 好慘呀! 你如果肯揼本既話, 係天台做個簷逢, 咁個定時灑水, 咁就無咁熱, 或者可以買間組合屋, 二手大約四至五萬, 裝部冷氣俾佢地, 咁就可以放係天台養!

其實你唔想佢地生bb, 絕育係對佢地好多過壞, 年老時生殖器官無咁多問題, 尤其女仔子宮會下垂, 佢會好痛架, 男既都有機會患上睪丸癌等, 所以最好兩隻都做, 你驚有危或做得唔好, 搵間好既獸醫先做啦, 太平道寵物診所有好多其他vet無既儀器及有留院服務, 你可以打去問左先啦!

無聽過狗仔做完手術俾狗虾喎, 你估公公咩! 會純好多就真

天台不適宜養狗,因為:

1. 天台太熱,husky佢地又唔可以剃毛,只會令佢地辛苦;就算放狗,都建議係晨早或者太陽落山后先同佢地出街,以免被日光直射
2. 唔知附近有無高過你間屋既地方,我會擔心其他人會跌野落個天台,到時俾狗狗執左黎食,可大可小

無聽狗仔做完手術會無晒自信,多數都係話絶育后會健康左. 我自已隻husky做完手術3個月,身體健康,玩得食得訓得.狗仔既自信係主人幫佢建立既.

其實天台係不適宜養狗的，日頭好晒，好易中暑。
如果你真係要放係天台養的話，
1.你要整個防晒隔熱的頂，唔好晒親佢地。落雨又唔會淋親佢地。
2.足夠的水，因狗狗熱就會飲好多水。
不過你都係唔好放佢地係天台,因為Husky唔可以成身剪毛的，你都係放入屋啦!一家人嘛。
你快D同佢地兩個做絶育。

緊係同隻乸做絕育手術啦！雖然幫乸的危險性會大的，但是好過你說幫公做手術和理你公第日無哂自信心啊！點解我會知，因為我都有養狗剛剛先志做完絕育手術所以我會知