狗狗該怎麼減肥??

可以試下多d(最好係每日)同佢去散步~
因為狗仔行街既時候都等如做運動
盡可能比佢上落樓梯
因為咁樣可以加強佢地隻狗既力量
同埋如果你有比零食佢食既話就要減少d比佢食

唔記得問下你隻狗狗幾大呀?
如果係3~8個月既狗狗會唔知飽
比幾多食幾多
所以有可能要節制一下

希望可以幫到你隻狗狗

2006-11-09 21:37:20 補充：
因為咁樣可以加強佢地隻狗既力量打錯左...係腳既力量記住你都可以負責控制佢既食量架

可以每日同佢散步帶佢行多d~做多d運動
唔好比咁多野佢食~最好人食的東西都唔好比佢食啦
習慣佢一日早晚食一餐同定時進食
因為我隻狗之前都要減肥~係一個訓練狗的朋友教我既
例如你要佢早上7點食野~咁比少少時間佢~佢唔食就收返佢
到晚上9點比佢~佢唔食又收埋佢
份量都要減少d~可以買一d低卡的狗糧比佢
我阿仔現在食緊個隻係solid gold的薯仔魚味
比較低卡架~~~
去到寵物店可以問下pet shop既人有問糧杯
我隻狗之前都食晒架~慢慢佢食的份量真係小左
佢都無以前咁肥
你都可以try 下

要狗狗減肥成功最重要主人要做到心要硬，立場要堅定。唔好比狗狗的可憐眼神和哀求聲音而有所動搖！
可以比狗狗食減肥糧，獸醫診所有隻 HILLS 既W/D狗糧買(係減肥専用糧)，如果想健康啲可以食減肥既天然糧www.foreverpets.hk有售。跟足糧袋後既份量，唔好比多。
除狗糧外唔好比任何零食和其他雜食，但一星期可有兩天給小許生果作奬勵(提子除外，提子是狗狗的毒物，會令牠腎衰竭）
每天散步２０－３０分鐘（最好能早晚）。如夏天能帶牠去游泳更佳。切勿給牠行樓梯和跳，因這些動作會損害腳部和腰部關節，肥伴狗隻尤其嚴重。

狗仔肥做主人嘅你都有責任而且狗仔過肥亦可能會為佢帶來一d高危病，所以不容忽事，首先你可帶佢去佢睇開獸醫，讓醫生睇吓過肥情度性，然後正常醫生會介紹一啲减肥狗糧比你，同應同狗狗多加運動，呢方面亦可資詢獸醫，另外最重要係唔好再立亂比零食佢食，加上人同狗食嘅嘢止終唔同，有啲食物如比咗狗食反害咗佢，如真的想勵佢，亦可比適量嘅狗零食佢食，你記住所有狗狗都好貪食，但你一定要忍，如以你咁講平時比開佢任食的話，在起初佢可能會發脾氣唔食狗糧一至兩日，但當佢覺得你好决絕，佢因敵不過肚餓就會乖乖就範，除非過咗兩日而你見佢手軟腳軟，咁你可嘗試放少許水拾嘅蔬菜類或拾雞肉撈落糧去引佢食，不過記住如非必要就唔好咁做，仲有記住當你比糧佢食時，而佢唔食都好，你要在半小時左右收返啲糧，等佢知道啲糧都唔係隨時食到，其實好似好殘忍咁，但唔係咁做，如果狗狗因過肥或亂食嘢而有事，咁自己都唔會開心啦！