老愛追著及 抱著家人的小腿上下運動

因未知狗仔類別，我估係一般通病，狗仔運動不足，最好同牠落街跑30-45分鐘，或散步45-60分鐘，以消耗其旺盛精力。

如果你唔想佢持續攬人腳養成習慣，一定要家教家教，高聲並嚴厲說「不」「No」=.=(黑臉佢體)等佢知衰，再次警告同事先要話佢知再犯罰咩(當然佢最唔like個啲)，都唔得就要隔離30-60分鐘，放監亦要預先聲明再犯再罰，好多主人齋罰唔同佢講清楚，佢衰咩都唔知。

另一可能，狗仔早熟，發育期賀爾蒙發展令狗仔未適應，孕育過多精子產生失衡，以期減低及紓緩生理上不適，需做出以上行徑發洩，解決方法，你養多隻狗(最好幫佢娶番個老婆)，等佢地追追逐逐狗咬狗骨，否則懶不得，你仲坐係度？同狗仔、去街街啦！

個隻狗想"咸濕"你,呢d係狗的世界裡是性行為,如果唔想佢再係咁,就要係佢想抱著家人的小腿上下運動前大聱喝止並懲罰佢

佢想支配你,做屋企老大,要阻止,可以試下:

1. 佢一埋黎un你即刻no 佢,或者另轉身行開
2. 平時每樣野都要有主人既架子e.g.食飯要食先,出門入門都要行先,唔好俾佢上床或sofa,減少抱起佢,總之唔好俾佢眼既水平線高過你,得閑反轉佢肚仔,等佢知佢係弱小既,出街都唔好俾佢行得前過你

以上所有野都要毅力同耐心,唔係幾日就得.等佢覺得自已係屋企最細個個,佢就唔會再un你或屋企人

我隻狗狗都係6個月大,佢之前都係好鍾意攬住我同屋企人隻小腿係咁un,因為佢已經開始大個仔,想令自己ge氣味留係人地or狗仔身上,代表佔領能力,但係咁樣係唔好架,會令到狗仔覺得自己好有佔有力,一定要同佢講唔好,唔比咁樣做,相反,你帶多D佢落街散步,同其他狗仔玩,你都會發現佢會拑住其他雄性狗仔un,但其實都因為佢想話比其他狗仔知佢權力大D je,亦都係玩樂一種,而家我隻狗仔已經無對我同屋企人咁樣架喇~ 所以你一定要教識佢咁樣做係唔啱ge咁就ok架喇!

其實狗仔有此行為, 一般人看似是狗仔"咸濕", 其實是狗仔顯示自己比對方強的舉動, 因為狗天生是有階級觀念, 在一群狗之中, 通常會有一隻是 "老大", 就算現在, 狗雖然被寵物化了, 但他們的天性也是遺傳在骨子裡, 到他們認為要顯示實力的時候, 就會有此行為, 所以我們有時會看到兩隻"雄"性的狗或兩隻"雌"性的狗都會有此行為, 這並不是說牠們是"基", 而是本能地想要對方屈服! 有些狗也會對人類作出此行為, 因為現在狗已成為我們的寵物, 是家中的一份子, 有些主人甚至待如至親, 可能狗狗已經把人類視為同一類屬, 以致也會這樣的!

當發現狗狗有此行為, 可以馬上喝止!