裝修師傅報價一問

Ruby

我和你與一般人一樣想要以同樣價值可以買到最佳心頭好.
尤其是全屋裝修咁大筆數,當然可慳得慳.但所謂不熟不做除非你是行內中人,分分鐘睇辦時好靚,收貨時變咗第樣嘢,大陸尤其小心(隔山買牛信唔過)

其實重點在裝修師傅身上,找朋友介紹個相熟口碑好的,列出你的要求然後佢話你知個設計/用料/所需時間/報價,工程費一般開工前付三份一, 工程做到一半或大半再付三份一, 完工驗收無問題收餘款.

找師傅做有以下好處
1. 風險由佢負,(例如有乜買錯料,顏色唔啱,D門size搞錯要換....),如果自己買料僕呢D都僕死.
2. 唔會拖時間,因快做完快收錢
3. 佢同你睇緊D,用足料,手工做好D,咁就唔會幾個月唔埋,呢樣唔妥個樣唔妥.
4. 開水/媒/電/裝冷氣...叫佢代勞,唔使自己次次出現.

祝入伙大吉.萬事紅紅旺旺

不知有無人知道，裝修師傅的人工會不會因為自己買材料而報價較貴？

以上好多答問題都是消費者,就由我供應者畀個中肯答案:
好多都有,我叫我啲伙計去買野,佢地都要食啲啦,不過我自己都唔會督爆佢,啲師傅幫你買野,佢就損失了自己啲時間,即是他損失了自己可以去搵錢,休息嘅機會成本,如果佢地唔係過份,我係隻眼開隻眼閉.做老闆最緊要識做,唔係都好難有人幫度你手.

如果我想到大陸買裝修材，叫裝修師傅一齊去，會唔會收Charge? Thanks a lot.
好多都會,老實講我係唔會,點解?因為我間公司9成9 都係做熟客,生意是一單接一單,陪個客去買野,好閒,因為我當我啲客係朋友咁,所以就冇乜所謂,這可能是我公司唔駛靠生客的原因,

如果假設我當你只是一個普通的客人,收就一定唔收,最多係推你,

剛才以上有網友提出要師傅包料,我就講下我的心聲:

大概兩年前,我公司接左一個生客生意,做荔景浩景臺某單位,業主係姓蘇,我地公司當客係好似當朋友咁,好多額外,即工程合約包括的以外的都肯幫佢做,當然包括幫客去買磚啦.

我地去左一間叫昌X既公司買磚,做完鋪完之後係冇問題,於是就鋪番件一分板保護啲地磚,而繼續進行其他工程.當所有工程完成後,當然就是要做清潔,做清潔時揭起啲一分板跟住拖地,發覺啲磚變晒陰陽色,起初以為係污糟,於是果晚我同個客抹通宵,但都係有陰陽色.

於是個客就揸住條尾數,迫番我去同間磚公司講數,因為我地就係太好人,代個客去買,

我就去買磚啲公司理論.該公司當然話冇問題,仲話我地啲師傅好用黑英泥去鋪.佢話係應該用白英泥去鋪先至啲黑英泥唔會索有啲磚度造成陰陽色.但間公司都賠番個客要求要更換的磚以求息事寧人.我地就要安排泥水師傅將有問題的磚界番出來,再用白英泥鋪,最後都有少少陰陽色,但都叫做好過以前,個客都收貨,不過要扣錢,理由是都是有少少陰陽色,同埋交貨遲,因為要起番啲磚,每天要扣幾百蚊,實數忘記了, 同埋因為佢要清潔左一晚.

我間公司絕對冇錯,錯就錯在我地太好人,無理由鋪磚要用白英泥去鋪,如果真係要用白英泥鋪至得,磚鋪應事先通知.如果個單野唔係我幫佢買,(因為係我幫佢俾住錢先,再問個客收錢,所以個客個籍口係同我買而唔係同昌X買),唔好話要同個客抹磚抹通宵,畀人揸住條尾數係度慢慢玩,啲磚客自己簡,啲貨唔得,點解要我地咩飛,我地做工程沒有一個專業去事先驗吓啲磚得唔得先至比意見你去買,我地只係提供額外服務比個客,啲磚唔得連間公司都唔知,唔通我知?如果唔係我同佢買,佢要拆過換過我一定要收佢錢,因為唔係我地公司錯,仲要因為咁比人話我交貨遲左十幾日要扣錢,拆鋪啲人工都蝕埋,認真無姑.

所以我地公司由那單工程起,一律不包磚,門料,牆紙,其他如潔具,爐具,常用的我地會包料,因為我地選的一定經過咁多年試過一定冇問題.磚,門料,牆紙,一律不包,客要自來,因為我地係控制唔度人地產品嘅質素,仲要承受不必要的風險.所以有時我幫個客買野唔食佢價真你好笨,你地啲客梗係想卸博啦,俾埋SERVICES 仲要同你咩埋風險,又冇袋你錢(幫你地買野),仲要比人反轉豬肚...

YOKI WONG

2006-11-10 02:03:52 補充：
大陸料,水準好參次架, 最近有個客貪平,買左啲平價大陸磚,又係陰陽色,這次我地學精左,唔關我地事,我都有提佢架,不過佢唔信之麻.大陸人好多時你未買之前就認屎認屁,當有問題就好多都卸博呀,香港買係貴啲啲,但有保證,有得追,好似昌X 咁,都叫肯賠番啲磚呀,係個客衰之麻, 我而家仲嬲到而家,入晒骨口添!!

裝修師父人工每日$800同你上去大陸走轉車腳都要一百幾十，裝修成本好多都係人工，每分鐘都係錢！羊毛出自羊身上！還有你上大陸買地台瓦還可以,但係你要另外買多一盒半盒，有多的，掉去還好過再上過去買，時間車錢人工都係返到，大陸運費$200一噸左右、到香港目的地、車邊自取，你自己搬唔搬到先，要人搬上去又要另外收錢！買坐廁去水位又唔啱香港,大陸去水比香港細‧還有多數地去水‧希望幫到你啦！

岩岩做完一個單位,我都帶過個客返大陸買左全屋磚同地板,我覺得質素ok呀,有需要可以留e-mail我可以send 部份相比你睇做完o既效果,如果需要大陸買野既地點,可以send 埋比你

同意ds.7654321的講法. 找個朋友用緊的裝修師資, 有mug問題都願意跟進的師傅去做, 最緊要是最少比較3間價錢, 做之前自己列明講清楚做甚麼工程, 明碼實價, 分3次找數, 重要寫下支票號碼, 簽名作實. 但你亦需要不停跟進進度, 有mug唔掂就立即貼紙仔要求師傅fix it.

以我的所知, 如果個裝修判頭精於油油, 地板, 或他的班底是油油, 地板, 間房, 又或是你的工程集中於油油, 地板或木工, 價錢可平D, 但如果只有換水龍頭, 人工便好貴, 因他需要找一工人來做2小時的工作.

裝修師傅報價是連工包料, 料靚當然是貴些, 這亦是他的賺錢方法, 他也大量入貨,做數單工程, 亦可在人手安排上安排好些, 人盡其材, 所以最終能拉上補下賺錢, 所以要問多幾間作比較, 亦可引證他們所說是否真實.

另外, 掉垃圾亦要費用, 差價可以是千多元和數千元的分別, 所以一定要Check 價. 又另外有鋪頭與沒有鋪頭的裝修師傅價錢是有分別的.

比他們賺吧, 材料有甚麼問題都可跟進, 不用煩.

吳知你講緊買材料係咩, 一般地磚, 牆紙都係師傅比呎吋, 個客人自己去買, 個師傅最多都係陪你去, 講真而家好小師傅包料報價, 如果你係講廁所三寶, 傢俱, 廚柜我就建議你吳好,
你咩都吳識好易比人燥, 除非你有朋友用過間大陸建材公司介紹比你. 叫裝修師傅一齊去都無用, 你叫個Q.S.去就有用, 就算現場無問題, 落到來又係另一回事.
簡單D講
你估有幾多個做廚可以分到大陸D冒牌豉油.
大陸有咩係真架??


D假野咪真係假個囉

我有個相熟幾好的，很多年經濟的老師傳，你要資料就send e-mail 俾我
我俾d資料你啦。

你這樣即是斷師傳米路，上去買料不如自己裝吧！你會否到茶餐聽食飯會自擄料呢？

當然會!because 我 just 裝修完!但如果到大陸買裝修材的話,the things will be not good!


YOU THINK BY YOUR HEART!

GOOD LUCK!

BYE!

=>