想學點砌機

你用“砌機”或“學砌機”search下yahoo 知識先啦﹗有好多人都問過相關的問題。

電腦基本配置：
CPU　中央處理器（即你聽人講的intel、amd、core2 duo…之類的）
Motherboard　底板（連接各樣零件的，當然也有它自己的功能；牌子眾多）
Ram　記憶體
Harddisk　硬碟（儲存資料）
Display Card　顯示卡（牌子眾多）
CD / DVD RW　光碟機、燒碟機
Power Supply　火牛
Case　機箱

基本上都係這些材料。至於圖像呢…就各種零件的說明書都有相關圖像說明，要慢慢細閱。

學砌機離不開“怎麼學 / 哪裡學”同“砌甚麼”。
關於以上配件，你可以去下電腦商場，行一圈，取些砌機單張看看，都已分成以上各項。基本資料、如功能、作用等，d sales哥哥仔會好樂意答（之後你唔幫親，話要諗諗先，或問下家人朋友意見先，咁就走得）。

可以的話有個識電腦的朋友教你、同你一齊買料砌就當然最方便簡單快捷。都有人會問值唔值得去報個course去讀，我的意思係，你有朋友識o既咪問朋友o羅，請人一餐兩餐飯，教埋你就最好不過。否則，你無識人，真係睇完d料都唔知佢講乜o既，咪去下工聯會俾幾舊等老師教o羅，我又唔會話無用o既，始終有個專業導師，又有一組零件俾你自己砌一次。你可以將你心目中的電腦配置問問老師，叫佢俾意見（去得上堂的都想自己砌到機，好多同學都會問老師意見&提出遇到的問題，你要聽埋呀）。

另一個可行的方法係，如果你屋企都有部舊電腦（反正你都計劃砌過部新機，咁舊機點玩都無所謂啦﹗）你可以拆殼，將配件、接線拆下（方便自己砌回的話，可每部份拍個照，在接線與接口兩者加上label）……。拆晒…睇下自己認唔認到邊舊搭邊舊，之後再裝回，重新開機…，好…初體驗…有個小小的成功感了﹗

至於砌乜料…就睇你個人需要，怎樣的budget。

個人的經驗：
多年前自已砌過電腦，搞搞下燒埋零件。所以呢…你要預左…係會有出事的時候。
上個星期新砌過部機，d料砌好晒，一開機先發覺個火牛壞的，即是呢…有d野，新野、有牌子的都可能出事，會令新手不知所措，但不用怕，真係覺得有問題的話，可找回店舖或代理問問。
我自己就覺得…初砌機的話可挑些平價的組件、低階組合入手，motherboard底機有些是 All-in-one的，即包埋顯示部份，咁就可以買少張display card，以後有需要先再加裝，或改裝。

補充一句：砌機除硬件外，你都要預埋要學安裝windows、軟件等等。