有關電話公司合約

以我個人經驗, 你唔好打返去同幫你上台o個個sales傾, 因為sales唔會理你, 講句衰o的sales真係負責賣o野, o的麻煩o野, 你可以打去電話公司熱線, 要求同In Charge傾.(唔好同o個o的主任傾, 無用, 浪費時間!)

其實依照正常程序, 電話公司係有權charge你行政費(你簽約所提及o既penalty)或者你可以選擇比埋剩低o個年幾o既月費... 如果你唔比, 電話公司會出信追你. 但就上題提到你公司已經搬左, 電話公司都奈你唔何.

事實上打開門做得生意, 電話公司基本上都唔希望收唔到錢, 最好有雙贏結果(客戶同電訊公司兩方面). 所以我個人建議你如果唔打算走數o既話, 可以打去同In Charge傾.

有o的個別例子, 一般有良心客戶如果唔想浪費白比月費, 會同o個間公司傾將個合約轉比其他公司.

又或者有一o的唔怕花時間同電話公司傾o既客戶, 會提供資料証明公司搬遷, 要求取消合約(void contract)但唔收行政費, 個別電話公司會安排將之前用左o既月份收返正常月費, 即係當你從來無簽過合約, 一開始交正價.

你睇下自己想選用邊個方案, 先打去傾. 如果你想做有良心客戶, 打去Hotline要求找In Charge傾會有效o的(之後找同一個In Charge), 免得花時間每次同唔同熱線職員講...

希望o的資料幫到你啦!!!