那裡有"花仔衫"(燕子尾)買

我係寶靈街, 買左1條花女裙, 1套5件頭的花仔衫, 都十分抵, 花女裙只要HKD90, 但我見到同一條裙喺永安要賣HKD399, 所以超抵.. 另外5件頭花仔衫都係HKD140, 但係旺角, 同一套要賣HKD239, 所以我想寶靈街會喺全港最平既.

我想請問花仔衫是在寶靈街那裡..有得買? 是否HKD 140 元..?
是街邊檔定係舖頭...??? 可否題供大概地址...?

其實好多地方都有得賣o架~

低檔次如女人街，位於山東街女人街交界既交叉口都有得賣，幾十蚊一套都係咁上下樣。

如要多d款揀又中檔次既, 可以去太子金都商場裡面, 每層都有一兩間賣童裝花仔花女禮服既小店, 好多選擇。我見過有d都真係睇落好靚手工又唔錯, 百零蚊至幾百蚊都有。

高檔次梗係去返d商場既高級童裝店, 如沙田第三期(即西田o個邊), 又或者又一城頂樓, 都有d 好靚既童裝禮服賣, 不過就起碼都幾百蚊以上。

其實我認為小朋友著禮服已經係好得意, 又凈係著得一兩次, 都唔駛話買到五百蚊以上既高檔禮服既....我建議你去金都睇睇先, 因為最集中同最多選擇~

希望可以幫到你! ^v^