訂做廚櫃價錢

不知你的16呎是上8下8加埋16呎,抑或上下都係16呎闊.我以下講緊係第一種.

現在很多香港所謂'裝修師傅'都是上門同你度位跟住send去深圳做,價錢約$700~$900一呎全包(即吊櫃,地櫃,石板,安裝).佢地通常都有套餐價,約$7000全包,另計拆舊櫃(有石屎要800~1000),來去水位,煤氣位.

亦有師傅真係在香港開夾板做櫃,價錢約$650~$1000一呎,未包石面板.時間約2個禮拜內起貨.

如果你有相熟裝修師傅,可同佢去深圳睇櫃同訂做,價錢圍返香港計法約$300~500一呎左右,包石,即全個廚櫃約$3,XXX左右,4仟已經好似樣.再叫師傅同你裝(另計).製作時間約需12至15日,在深圳大磡村全天侯都有人做緊.

座地廚櫃，約 $500 一呎 (中價貨)
用厚膠板，內白膠板，夾板
檯面用膠板面，其他面板另計
如要就位，例如喉位、煤氣錶等，畫圖設計就要花多少少時間
不要農曆年尾才造，因為到時會很忙，造起也要夾時間安裝

約兩星期可起貨，安裝一天

我的工場手工很好，很多客戶用了十几廿年，傢俬還很實淨。如果有平過$500 一呎的，你自己就要衡量下，比較下手工用料。

可以粗略咁計
淨櫃(有吊櫃同地櫃)約$1200-2000/尺，計埋人工(大陸貨，唔包石材枱面，石材有平有貴，一般$400-800/平方尺)。
咁長都要番大半個月，我家剛做完，長10尺，做左廿日，因為度完做櫃的散件，到屋企再切，仲要做櫃的枱面，都好耐。