貓貓流眼水

貓o既眼水流o左出黎, 氧化o左就會變成深紅/啡色, 唔駛擔心, 係正常o既.
依你所講, 睇黎隻貓貓都係同醫生所講一樣, 係淚管閉塞. 淚管塞o左, d眼水就唔可以經過淚管排走, 所以就會流出黎. 係可以做手術通返, 但係好多時做完手術都會再塞, 醫生都唔鼓勵做. 流眼水唔會影響身體健康, 最多都只係外觀問題o者. 勤力d抹就好過要貓貓做手術...
你可以用生理鹽水每日同貓貓清潔眼部周圍, 好讓眼部保持清潔. =^w^=

你隻貓既眼近日不停流眼水, 原因 (一) 係被東西 "吉"親, 或者刺傷.
我隻貓都試過, 因為唔小心被我d手指插度, 要成兩日至好得番.
你其實一見有流眼水既現象, 和成日單起隻眼, 及見愛貓成日不停擦眼,
就要幫佢滴眼藥水 (再留意一吓眼有否紅根 及四周出現紅腫),
一日要滴幾次, 讓牠安靜地在一角休息和睡覺,
貓咪那時或會不安和痛楚, 主人應盡量不要騷擾牠 .
如果情況持續多日, 就要睇醫生了. 以免變成角膜炎 !

原因 (二), 亦是你講有關既 流行性感冒; 其一特徵係眼角膜濕紅, 有眼水分泌,
還有 :發燒 , 精神沉鬱 , 食慾不振 , 呼吸快速 , 流鼻水 , 嘖嚏 , 咳嗽 , 怕冷 , 不願動等,
不過依文所看, 你沒有說明其他徵狀, 以 (一)的機會較為大!!

至於耳仔甩毛,有機會係耳疥癬 / 或者皮膚敏感,
你留意一吓貓咪有否常抓耳背這個動作,
如果有,加上有皮屑脫落 多是耳疥癬!
揾出原因, 再搽合適的膏藥, 很快會痊癒的!!!

如果你隻貓係扁口扁鼻果D就會有成日流眼水呢個問題,我個隻異國長毛貓都係一樣.你要勤D幫佢用濕棉花洗.