梅菜蒸肉餅

要秘訣 定 食譜？ 食譜上面有啦。.... 但打至起膠.... 做豬肉丸？

秘訣 五兩豬肉 + 一兩肥肉 (用百佳攪好的肉是做不了正肉餅)
去街市豬肉檔，同豬肉佬講 要10蚊 梅頭 同佢講 要攪爛要來蒸，正常佢會自己同你加適當的肥肉，如果佢唔加，你就即刻同佢講 唔該可唔可以加d肥肉。(免費的)

之後調味如上，只不過

1. 加兩湯匙生粉及細半碗水 (加水 十分重要)
2. ....梅菜蒸肉餅 要加麻油？？？點解d人成日加麻油，如果一個月食一次加麻油，當然OK。但家常便飯怎可乜都加？

加肥肉的重要：
1. 蒸時肥肉出油，令肉餅均勻吸，唔會"鞋"；
2. 蒸時肥肉出油後，肥肉縮細，增加肉餅中間的 "空洞"，唔會 "實"
3. 出了油的細細粒肥肉，會好有咬口，唔覺係肥肉。

但看看食客的年紀啦，我依家大部份時間，都係食"鞋 實"肉餅。一年只有一兩次破例。

醃肉餅: 生抽,老抽, 糖, 生粉, 水, 油, 麻油
2棵甜梅菜 & 1棵咸梅菜: 用糖略炒

要肉餅又滑又好味, 你可買半肥廋豬肉回家用手切至免治豬肉, 落水要足夠, 咁就可以令肉餅鬆化, 油同麻油是可以令肉餅滑。

當豬肉醃好, 梅菜炒好, 把兩樣搞在一齊, 隔蒸20分鐘 (水滾計)

梅菜蒸肉餅
梅菜要用糖和油攪勻。
肉餅要攪到起膠，加一些水。
混合後再攪勻，蒸至剛熟，就可以又滑又好味ga la.

買半肥瘦豬肉，不要落太多豆粉或鷹粟粉，把所有調味攪拌後，加少少水，待水滾後，才放入去隻鍋蒸5-10分鐘。

秘決係d豬肉要碎d 仲要整先后加小小水同生粉, 咁d肉餅唔會孩, 又唔實, 可以加馬啼會爽口d




梅菜蒸肉餅
　


材料：
攪肉六兩
梅菜一棵
冬菇三朵
馬蹄四粒
　

　
　


做法：
梅菜浸軟切粒，冬菇切粒，馬蹄去皮切粒。取一大碗，攪肉放入內，加半茶匙鹽，生
粉一茶匙，麻油古月粉少許，用力撻至起膠，最後加入其它材料撈均勻，平放於一平
碟，厚約不超半吋，中間部分微微凹陷，大火蒸約八分鐘即可。

少落鹽，主要用雞粉調味，加點水及落生粉攪拌。