為何我會放不低他

家庭及人際關係 其他 - 家庭及人際關係
2006-11-09 4:33 pm
98年拍拖,一直到05年分手,佢曾經傷得我好深,一次又一次同第2個一齊,但始終我都原諒佢,因為無人可以取代佢,直到05年,我認識左第2個,嘗試離開佢,我同現任男友已經一齊就黎兩年,但我仍然都有間中搵ex bf,因為我仲放唔低佢,人地話當同左第2個一齊,就自自然會忘記到舊果個,但點解我唔得既,我嘗到唔搵佢,但一兩個月後我都忍唔住打俾佢,我覺得我自己好無用,都已經分手甘耐都仲忘記唔到呢個男人
更新1:

其實而家佢都有話同番我一齊,但我真係好驚佢會再有第2個,因為佢以前有第2個既時候,真係攪到我痴線仲為佢自殺,佢第2次有第2個,仲攪大左個女仔個肚,果陣日日好似行屍走肉甘,果時成日都好想睇心理醫生,但又太貴!我一日放唔低佢,我一日都當唔到佢係朋友,因為會好辛苦,我成日諗,如果我失憶就好喇,加上我成日睇到好多男人成日有女朋友or老婆(就算女朋友/老婆好靚)但都仲要搵第2個,對愛情無哂信心,覺得d男人無個好,就算0係屋企對老婆好既男人,出到街又係另一個人,都會唔專一,

回答 (8)

2006-11-09 4:46 pm
✔ 最佳答案
我覺得吾係因為你放吾低佢 只係你腦入面 生活入面仲有有哩個人既存在!除非你失憶,如果吾係吾會吾記得佢架 ~


你打比佢 即係你仲當哩個人存在 (朋友之類啦),吾洗怕架 你做好架,不過你要堅守自己係專一吧。
參考: 來自 自己睇法
👍 0 👎 0
2006-11-10 3:26 am
我同你都一樣,係一個無用既人,我雖然依家結左婚.但我亦都常常想起以前既bf,我成日都好想打比佢,但我知係唔可以,其實點解會咁,可能係因為大家一齊相處既時候太多回憶,所以令到自己每做一樣野既時候,都會想返好多野,好難忘記啦!而新既bf又俾唔到呢種feel自己
👍 0 👎 0
2006-11-09 6:46 pm
因為無人可以取代佢???
呢句好有問題...
有D咩野咁巴閉...咁不能取代呀???
Fix下你自己既心態先啦!!!
👍 0 👎 0
2006-11-09 5:34 pm
你唔夠鍾意現任男友先會咁,時間一路以嚟都肯定可以沖淡一切,假使你同一個花心嘅男仔一齊而你又好愛佢,到頭來痛得深嘅只會係你自己,你可以另覓新對象,可能你會舒服得多,女性最重要係選擇一個深愛自己,同埋懂得珍惜自己嘅人,如果佢咁都唔識,呢個男人根本就唔識得乜嘢係愛...你同多d朋友傾吓,佢地一定幫到你,你最重要係同多d朋友開口講你嘅心結,(你唔需要一定忘記呢個人,因為每人都有回憶嘅,試想吓?冇從前出現嘅佢,何來有將來好嘅伴侶?)gd luck ^^
👍 0 👎 0
2006-11-09 5:08 pm
其實我覺得你唔係放唔低佢，只係習慣左咩都有佢係身邊既感覺，突然之間冇左佢，當然會成日都想搵佢啦，呢d都係正常架，因為你同佢一齊左咁耐，一時...係好難放得低。點解人地搵到第2個就會忘記第一個，因為佢地明白...即使留戀都冇用，時間係唔會返轉頭，與其繼續留戀，不如開始另一段感情。
你話你同依家個個一齊，但係都會諗返以前個個，咁即係代表你唔夠愛佢，如果你係愛佢...應該會好快忘記之前個個，但係你冇...再者，你同佢識既時間比之前個個少，所以愛得唔深，只要你用心去愛依家個個，我相信你好快就會忘記佢，甚至可能一早已經忘記左，只係你自己唔知!!
p.s比個機會自己，比個機會人...!!要放手終需放手~!!
參考: 我!!
👍 0 👎 0
2006-11-09 4:51 pm
你唔係無用~唔好咁樣話自己

只可以話~個男仔在你心目中佔有好大既位置

無論佢對你點衰~就算佢出去找第二個~

你都會原諒佢~因為你愛佢好深~

正式黎講~你愛佢比佢愛你多

你對呢段感情太投入~甚至投身唔到

人地話~當有一般新既戀情出現時

你會忘記舊既過去

但唔係個個都可以做到~

因為在你心目中~舊既那個仍然係最愛~最好既一個

你想放低佢~除非有一個你找到個你很愛很愛既男仔

可以完全代替舊既那一個

咁0個陣時~你就可以真真正正放低舊既一個~

當一個差唔多level既人出現時~你唔會再記得舊的一個~

放心啦~你會找到你的真愛的~

你可以繼續同你舊男人做朋友~繼續傾電話~

不過要時常記住~你已經有新既男人和你要相信你會找到一個更好的

咁樣可能你會好過d~無咁掛住佢
👍 0 👎 0
2006-11-09 4:49 pm
世界咁大,男男女女咁多,點解你會同佢一齊,當然當中會有緣份,但緣可以維持几耐,無人知.有緣時,佢做几多偒你的事都會原諒佢,但緣去時,佢無做任何事,你都會覺得眼怨,何必執著一定要忘記佢,有緣亦是朋友,只要知道自己在做什麼,對得住天,地,良心.關心朋友是無礙的,最近要是珍惜自己,放輕鬆點,一切有天意.隨心而行,一切自會解決.
👍 0 👎 0
2006-11-09 4:39 pm
The new bf is not better than the old one.
Search another bf, who must be better than the old one. okay?
👍 0 👎 0

收錄日期: 2021-04-20 00:00:11
原文連結 [永久失效]:
https://hk.answers.yahoo.com/question/index?qid=20061109000051KK00552

檢視 Wayback Machine 備份

　
　
　
　
　
　
　
　
　
　
　
　
　
　
　
　
　
　
　
　
Ans.fyi 參考答案 - 知識平台 © 2024 條款免責 私穩政策