點解基督教要甘 hard sell?

你從各宗教教義分析,就好易明白。

以你阿麻日日拜既觀音，關帝為例,
屬中國傳統既多神教,
無咩特別教義同中心思想,
你唔拜關帝,關帝唔會劈你,
導致你阿麻無咩需要hard sell。

又以佛教為例,
主旨是因果報應同自我修成,
人信唔信佛都都無所謂,
只要係好人就有好報。
教主佛陀亦只是教人成佛,並無叫人傳教。

但基督教就好唔同啦,
因為世人都有罪,要接受神的'救恩'才得救,
基督徒認為唔信基督既後果係永死(即落火湖永遠咁燒)
sell你(要你接受救恩)係為左救你,sell你唔掂,你就永死,
因此基督徒hardsell是非常合理的。

此外耶穌亦給予門徒大使命,就係傳福音。
既然係基督徒,討神喜悅,就會去sell。

至於私人利益,勉強都有關係,
耶穌叫門徒要重視'天上既財富',
傳福音係為神作工之一,
應該可以增加'天上既財富',
但通常無基督徒因呢個「投資」而傳福音,
基督徒hardsell主要原因是愛人和愛神。

Hard Sell 唔 Hard Sell
睇你撞到D乜人ge je~

所謂Hard sell
其實係因為佢地堅信佢地所信ge野
見人講極都唔信
實落多兩錢肉緊講多D ga la~

Christian同你講聖經
都係希望你信且得救je
你信唔信又唔關佢事ge~
唔通拉個人入會佢有人工收la wor?

可能只係少部份啫,
唔代表所有基督教的信徒都係咁,
佢地可能會同其他信徒唔同,
而且佢地係基督徒, 都想有心去揾失喪左架靈魂
令到佢地早日歸主,
所以一個未信的人, 佢當然有權信與否,
太遍激的話, 可能佢地係唔太正常,
要小心一點, 可以去一D同學朋友介紹個D會好D囉
或者信譽良好的教會, 相信佢地唔會你諗咁架,

傅銷公司點解又咁hard sell ．．咪就係點解基督教咁hard sell 既原因ｌｏｒ

基督教在西方正在沒落中，電視報紙都話好多教會要宣告破產，基督教義已被西方質疑，個個都不再支持教會。
甘佢地在東方國家就要hard sell點，貼補教會，否則東西方的教會都破落時，無人信，那些基督教牧師食乜？
天主教都是一神論，同樣是信聖經，但有沒有看過天主教徒去hard sell天主教呢？我就看不到，天主教徒與其他宗教人士可和平相處，無論是高層或普通信眾都很溫和，但基督新教的，稍表示對基督教質疑，那些人就一句佛教怎不好，好像說他教不好，就可減少了他人對基督新教的質疑，但那些人不知是否對基督教義也不明，故只硬銷說基督教好，他教不好。
基督教的沒落是有因有緣。

Hard Sell 是一種感覺來的, 不排除當教徒向你傳福音時, 令你覺得有hard sell的感覺。但我想請問你, 你信與不信對向你「sell」那位朋友有沒有分別? 你認為他有什麼好處? 搞不好, 分分鐘你連朋友都不想跟他做。那又為何他鍥而不捨?

有沒有想過, 為何成日有人話要「還神」? 因為拜觀音，關帝........等等的偶像, 你所求的是有條件的, 所以你要還。但在基督教裡是沒有這回事的, 因為神的愛是無條件的。

因為人是自私的, 所以事事都聯想到與利益有關, 不相信有「無條件」這回事。
為何基督徒要努力傳福音, 正如有好野, 你會同朋友分享一樣。或許我在此說耶穌愛你, 你會有懷疑, 但這是事實。

我都覺得有小小hard sell的, 只有耶穌教的人會係街到係甘叫你信啦信啦甘, 但係其他教都無甘做的

我有次係apm等人, 就有三個女人走埋黎係甘講話神好神好, 信左之後佢就覺得好開心, 但係我又唔覺得佢地講到d咩具體既野, 我唔覺得一個本身唔信既人會俾你甘空泛既言詞感動到去信一個宗教囉, 話晒一信都會信好耐gama~~

佢地係甘講講講, 我細個見到呢d人真係唔知點應付ga, 又唔敢大聲叫佢地走開, 又覺唔理佢地好無禮貌甘, 講真, 都幾煩

我想問下呀, 有無人真係會俾佢地甘樣講兩講就入教ga??

你覺得“hard sell”可能是因為你遇見傳基督教的手法過於激烈，導致你有不接受的決定........而且懷疑傳基督教的人的目的.........

但我想問,你有沒有在街上收過傳基督教的傳單??派傳單的人有沒有得到私人利益??

甚至我現在向你講解,我有沒有得到私人利益??........

其實基督徒相信耶穌基督是真理的源頭,能認識真神是一種福氣,所以基督徒努力傳福音,但是不是每一個基督徒(甚至於教會),都能夠有適當的表達,當然亦有基督徒傳福音出於私心(能成功傳福音就自以為是,爭取那份虛榮.....)......

但願你能夠排除人的因素,仔細思想福音的內容,作出有智慧的決定!!!!

我本身都信奉基督教, 因為由幼稚園到中學都係基督教學校! 但係慢慢就發覺, 呢個宗教好霸道, 而且好假! 點解話佢霸道? 你睇下英美等歐洲大國就知喇, 而且佢既一神論好討厭, 唔信基督, 就要落地獄? 有冇攪錯! 如果一個人樂善好施, 但係唔信你, 都要落地獄, 你話呢d係乜野教條? 呢個咁既宗教, 一d都唔博愛, 唔明點解會有咁多人信奉! 至於點解話佢假, 係因為我自己亦都去過幾間教會, d人個個都懶係熱心, 懶係主動同懶係團結, 間間教會如是! 佢地hard sell得咁緊要, 我諗係同佢地既"主動"同埋"團結"有關掛!

我信呢個世界一定有神既存在! 但係呢個神一定唔係基督教! 我會向神禱告, 不過都唔會係基督教! 我係一個冇宗教派別既有神論者!

2006-11-09 05:39:13 補充：
天主教其實都差唔多, 只係佢冇基督教咁出面, 而且比較博愛!

2006-11-09 05:41:33 補充：
再加上, 信基督教10個有7個都鐘意講耶穌, yiyi哦哦! 好q煩! 呢一樣亦係我唔再信奉基督教既原因!

2006-11-09 06:00:53 補充：
http://hk.knowledge.yahoo.com/question/?qid=7006110100198剛o岩順勢睇下其他基督教既post!呢個解答好好, 各位唔係基督教徒又好, 係就更好, 都去睇下! 真係講得好好! 等你班所謂既教徒覺醒!而且再講多次, 如果真係幾咁好生積德, 但係唔信你都要落地獄; 同埋大奸大惡, 但係死前有懺悔過都可以上天堂, 我真係寧願落地獄! 呢一個係咩神? 不知所謂! 我諗我咁憎基督, 阿撒旦先生都唔會放我落火度燒掛! : p

我不覺得基督教太hard sell ， 或者你遇到的是吧！我想他們只是因知道基督教是一個真而唯一的拯救，所以很希望你也能得救。我也希望你能嘗試認識基督，能得到救恩。主與你同在。