請幫下我~~我個心好痛,就快癲啦~~

哈哈,我同你一樣,;;都係好鍾意講分手..
其實好多女仔都好鍾意同男朋友講分手架,
一黎可以試探佢會唔會挽留,
二黎亦都想睇下你講分手,佢會有幾緊張,
呢個係潛意識黎架.講講下就每次嗌交都會話分手.

但係,你諗下喎,
如果你地真係性格不合既話,
都唔會次次講分手都分唔成啦!
一個願打,一個願捱既呢段感情,
呢兩個人一定好難分開!

如果你真係咁想同佢分手,
你就唔會心軟!呢個係真架!
我有個fd,佢因為某d原因好憎佢男朋友,
要同佢男友分手,之後佢男朋友要生要死,
但係我個fd,絕到連手提雹話號碼都換埋,
經過呢件事我先知道咩叫分手!!

我好想問一樣野,
就係,你男朋友同你講分手既語氣係點?
好激動?定好平靜?
好沮喪定係好決絕呀?

因為我都試過同我男朋友講得太多次分手,
之後佢都有同我講過,
"好啦,分手啦!以後唔好再見!"
呢類說話,但係我自己又好唔捨得.
之後打返電話俾佢同佢講對唔住,
之後就一齊喊,之後就大家都無野lu,

其實你男朋友都有感情架!,
可能佢擺左好多心機係你身上.
亦試過無論如何都想留住你.
佢都會累架!可能佢會覺得,
我做左咁多野,但係你都唔開心,
你都仲係要同佢講分手,,
佢可能會嬲,亦都有可能係佢覺得..
佢再無能力可以俾到開心你,
所以講出呢番說話...
當然,都可能好似佢咁講,
佢已經唔再鍾意你,,

不過點都好啦,,
幸福係要自己爭取架!
如果你真係想佢繼續係你身邊,
你就去搵返佢啦,同佢講聲對唔住,
魚皮d都要架喇=P

加油呀!!祝願你地和好如初^^

就妳以上所說，我覺得問題不是全在妳男友身上，妳也要承受返部份責任的。

妳很主觀地認為你地唔夾，妳很想男友為妳去改，何必呢？點解妳唔會換個角度去睇件事呢？妳明白什麼是“遷就”嗎？兩個人一齊，是不可能什麼都很夾的，即是當倆人鬧意見要背道而馳的時侯，為什麼總是要他從對面跑過來就妳，而不是各行一步去取個平衡點呢！？可能他正在改進中，只是進度慢了些吧，他有沒有心去改妳是可察覺得到的，但起碼妳也要給他時間，不要過份急進要他一下子改好，若妳feel到他在改進中，應該鼓勵吓佢、氹吓佢，比佢feel到妳知道他在改進中，而唔係表現出唔滿意及鬧情緒的態度，他會很大壓力的。

另妳說“唔知點解係想睇佢同以前女朋友張相”的事，我明白妳是因好奇心作怪，很想看一吓她的樣貌及身材怎樣吧，我也曾有此經歷。我給妳的意見是：唔睇好過睇啦！妳試想吓，就算比妳睇到又怎樣？對你倆人的感情絕對是有壤影响而無好幫助的，可能妳會暗地裡和她的前女友作比較，很無謂呵！亦可能妳會看到男友和她很甜蜜的樣子，心裡很不舒服呢！比妳睇完張相後，妳男友又唔會愛妳多d嘅，那又何必去做d嘢去令到大家都唔開心呢？這是已經過去了的事，不要再介懷了，既然妳都說：『真係好唔捨得,妳唔甘心, 你地仲鍾意對方,又經歷過咁多野』的話，那倒不如諗吓大家怎樣去迎接將來，珍惜大家一起的時光仲好啦！

事到如今，我諗妳男友一定是覺得同妳一齊係好大壓力，呢次巳經撐唔住，忍唔到落去了，所以咪情願“無眼屎，乾淨盲”，咁咪唔使咁煩囉，佢都有情緒咖嘛，記住，凡事都係物極必反呀！得罪d講句，如果我係男人，我都會覺得妳係得一想二，直情係“食住上”，好大壓力囉！試吓調返轉妳係佢嘅角度去諗吓啦！

妳要明白，他現在就像一條橡巾，妳愈拉得緊，它就愈彈得遠呀！若妳仲唔鬆返d手，再拉落去，好怏就會斷埋咖啦！妳不如等大家冷靜下來之後，找個機會同佢傾吓，但係妳一定一定一定要記住，同佢傾嘅時侯，唔好再重提過去的事，不要再去翻舊賬了，要揸住一個終旨去同佢傾，妳要比佢感覺到，妳並唔係想去追究事件是誰對誰錯，而係想找出問題所在，避免問題再次發生，若問題有機會再發生的時候，妳倆人應如何處理，找出共識，相信這樣才可以把問題解決，對你們的感情也有幫助咖！試試吧！

~~~~~祝妳跟他快點和好如初啦！~~~~~

根本唔應該拖甘耐先分手。不過既然已經講出口﹐ 又可必令對方難做。 都想分手喇﹐ 你又想挽回D 咩。 性格不合就真系不合﹐ 唔可以格硬黎﹐ 江山易改﹐ 本性難移﹐ 更可況雙方都唔肯改。點解一定要系對方改而唔系改變自己﹐ 改變自己既接受能力﹐ 改變自己中意既野。 既然你系愛人既﹐ 點解系要人地為你改變﹐ 你自己唔變。 好似我朋友甘﹐ 話"愛"人﹐ 明知佢信唔過﹐ 怨佢但又同佢一齊﹐ 話唔舍得﹐ 都系差唔多一年﹐ 一次又一次甘分完又合﹐ 合完又分﹐ 同我講佢今次分手個陣終於系開心既﹐唔會再有下次。 既然都唔中意你羅﹐ 死纏爛打﹐ 死遷死就﹐ 結果都系得一個。 放手﹐ 為人為己都好。 將來既野無人知﹐話唔定你會穩到個你愛又愛你既人。

其實唔係已經好明顯了咩，佢已經唔鍾意你喇。我覺得你已經心中有數，你自己都知道發生咩事。只係，人就係咁，佢地總係想其他人將佢地心入面gei說話講出黎，佢地先肯死心。既然你成日話唔夾，佢又改唔到，做咩仲要糾纏o係呢段感情度呢？！仲有，2個人o係埋一起，唔一定下下都要個男仔改，女仔有需要都應該為個男仔改下，如果你做唔到，又點要求人地做？唔好諗住要挽回喇，佢唔會回心轉意ga！就算會，你地一樣會係唔開心囉，咁做咩仲要sai咁多時間o係呢度ji？搵個第二個啦，呢個世界唔只佢一個男仔，話唔定下一個會更好呢！
仲有，決定要分手就唔該你唔好再心軟！佢搵返你都唔好制囉，比佢知你唔係淨係得佢一個人鍾意囉。佢唔珍惜你，自然有其他人珍惜你！
祝好運！