關於大學選科

每個學系出的中位數同四份之三中位數
只會用已取錄學生的成績計算
是用每個學系獨有的計分方法
(這些計分方法或者每年都唔同,亦唔公開)
去計算JUPAS CANDIDATES的成績
將ABCDE變晒做數字
之後再由高至低排列
中位數就係由最高至最低分數排好之後
排係中間果一個
而四分三中位數
就係中位數同最低分數之間
排係最中間果個成績。

例如有六十個同學
根據分數由高至低排好之後
第三十果個同學的成績就係中位數
而第四十五個同學的成績就係四份三中位數
通常D人要睇下間大學收唔收自己
多數都會睇四份三中位數
因為成績會比較低
而且可以比較下自己的能力可否入到
其實有信心達到四份三中位數已經足夠
不必要覺得有中位數的成績先可以入到果科

此外
學系係一定唔會公開佢地既計分方法
但係ORIENTATION DAY可以問下佢地會著重邊科成績
果科可能會COUNT多少少分
如果考得好會有D著數
同埋唔好只著眼於高考成績
有時有D學系會COUNT埋會考
你都應該問下大約會考同高考既比例


我以前揀科既時候
因為覺得無乜信心會考得好
所以全部都揀晒SCIENCE同ENGINEERING的科目
得一科CITY 的 MARKETING係商科的
但係果時老師又無理到我
因為一見到我時
多數都係被我問問題問到我放學為止
所以到左放榜時先有個阿SIR問我點解揀晒呢D科目
因為原來我放榜既成績根本無我諗得咁灰LOR
仲要好好彩咁B左科PURE MATHS
阿SIR話PURE MATHS好對入BBA其實更加著數

我唔知你讀文定理啦
但係千祈唔好揀得太窄
無論係出路定係收生成績都好
個RANGE都要大D
就算覺得自己得兩隻C
都揀下兩隻B或者一A一B先入到既科目
放左榜都可以根據成績再排過次序MA
而且
記住排有INTERVIEW的高一D
如果唔係,放榜之前可能無得IN架