我隻芝仔入左醫院!!你地好心幫下我=(

1.唔知你係睇開邊個醫生呢,因為你買咗小狗成個月,而牠又不停病,你睇開的醫生都應該已經知道佢係咩病,因為狗瘟潛伏期約1-2星期,你的小狗不停病,醫生沒有理由不跟小狗check下係咩病,所以我覺得你不妨轉個醫生睇下,聽下不同的意見,但因為我不知道你住邊區,所以我建議你問下其他網友知不知道你住的那區有什麼好醫生可以介紹給你.
2.如果小狗有狗瘟或肺炎,當你接小狗回家後,除了要同小狗定時食藥外(一定要迫佢食,唔好心軟)仲要迫佢食野,因為小狗唔肯食野就會沒有抵抗力,不能打低病魔,
3.如果你想小狗食得健康同開心d,可以試下蒸雞胸肉,同加雞肉味bb food 做調味,2樣都可以係超級市場買到,雞胸肉買急凍個隻,bb food買真係比人既bb食個d(獸醫診所護士教既,我隻芝仔早2個月有肺炎時都係咁食)小狗應該好鍾意,
4.除了要食藥同食野外,近排天氣凍,你記得比件衫仔小狗着,另外,小狗睡覺時,你可以用盞燈照着小狗的籠子,讓佢覺得暖d,都好有用架,
5.不過,你要有心理準備,其實小狗有病時,藥費往往都好貴,沒辦法,但最重要的,是個醫生要夾到小狗,唔你幾出名,幾貴都沒用.
6.最後,希望你唔好咁擔心,因為我和朋友的小狗都分別曾經患過狗瘟同肺炎,但最後只要小心照顧,現在我們的小狗都健康活潑,所以你的小狗都會一樣架,祝你的小狗身體健康,早日康復呀!

其實最近有一間非牟利獸醫診所...
佢既診金$150...d藥就另計...佢地d藥
收番佢地賣番黎既價錢咋...
我隻狗狗都有去睇...佢地仲好好人悿架
你可以睇下佢地既綱址:http://www.npv.org.hk/
祝狗狗早日好番~!!!

我只狗之前細細個都得過狗瘟，醫生都話救唔返但我都無放棄
帶它返去後它都唔肯吃野，之後仲大便有血，我就煮雞胸肉（整爛啲肉加水煮熟）俾它吃，開頭它都唔肯架但你一啲啲甘俾它吃得几多得几多，反正一定要它吃野唔吃野就一定無得救，我就隔２個鍾養它吃一啲甘慢慢它就吃多著，個時我都好慘架一個星期冇得好好訓過好彩最後都救返它，果時真係好開心架到而家它都快４歲啦！

係架, 吊鹽水及留醫好貴架, 只吊鹽水唔留醫要成千五蚊, 留埋醫三四千架, 其實睇開個醫生唔係唔好, 但可能未到家, 因為每個醫生都有佢專長, 好似人既醫生一樣, 其實吊鹽水及葡萄糖水都係為左吊到佢開口食野, 狗一唔食野就咩抵抗力都無, 所以佢出院好返要迫佢食野, 你係咪都俾左錢, 點都要醫落去, 唔好半途而廢呀! 其實有d獸醫收credit card就有免息分期, 你可以去打聽下, 搵唔到就email俾我啦, 我知有一間三千蚊以上可以分期!

獸醫係好貴, 所以有好多人因為貴而唔帶狗狗去睇醫生, 接返佢時要俾野佢食呀! 同埋要小心d, 唔好比佢週圍走呀!

你已經被騙拉 ! 到"愛護動物協會"問問啦 !