麥理浩徑 第七段 城門山嶺 城門水塘--- 鉛礦凹營地 適唔適合夜行傢

首先要清楚你們是否有行山經驗及夜行經驗先，因為這是決定路線的主要因素。
就以麥理浩徑第七段為例，因為途中要上針山，上成500米約等於180層樓高度，體力需要大，不過沿路指示清楚，一條路見晒，所以就算少經驗者，日間行亦沒有問題，夜行就好困難，雖然易搵路，但夜行因會覺山路比日間崎嶇，所以體力需求更大，經驗少不太識留力者其實不適宜夜行這一段路。
至於衛奕信徑第七段，從地圖看是平坦小徑，不過其實好難行，因為行過，路徑崎嶇不平，指示又不太多，日間行都覺有難度，夜行就更危險啦。
建議你行城門水塘引水道上鉛礦凹，指示清楚，一條護林車路，容易行及易搵路，而且亦有點難度，就是上鉛礦凹位，要上斜坡及搵路，夜行都有挑戰性。由城門水塘主霸跟路行就是。
至於猴子問題，它們主要集中在金山郊野公園，城門那邊較少，而且猴子在晚間是不會出來活動的，所以行夜行你搵到隻猴子就真係好勁啦。
反而夜行要小心野豬，因為野豬力氣大、行動快及兇猛，被激怒時會攻擊人，就一定要小心，如果見到樹林中有兩點閃光，就唔好好奇用電筒照過去，分分鐘是隻野豬在搵食，咁一照佢就唔老like搵人咬就睇下邊過走得快啦！

2006-11-09 20:23:15 補充：
樓上的朋友請看看漁農處郊野公園網頁，有關介紹城門郊野公園的一段內文，如下「由於公園接鄰人煙稠密的荃灣，故棲息於此的多是一些較常見的雀鳥和 哺乳類動物，如松鼠、 ”野 豬 ”、穿山甲、 赤麂等，而溪澗中亦曾發現受保護的兩棲類動物香港瘰螈（香港蠑螈）。..... 」網頁：http://www.afcd.gov.hk/tc_chi/country/cou_vis/cou_vis_cou/cou_vis_cou_sm/cou_vis_cou_sm.html

2006-11-09 20:25:10 補充：
香港自然網中香港自然生態簡介一段：「此外，幾乎所有非飛行哺乳動物”均 能 在 郊 野 公 園 內 發 現 ”，包括豪豬、鼬、七間狸、果子狸、豹貓和” 野 豬 ”。由於哺乳動物是生物多樣性的重要指標，故此，這樣廣泛的分布實在蘊含重大的意義。」網頁：http://www.hknature.net/chi/ecology/hkeco.html唔知唔好點人啦！人地信你以為無野豬出事個時就唔知邊個賠啦！唔該！

2006-11-09 20:30:23 補充：
我知就是因為我自己都係大欖郊野公園行夜山時見過野豬出沒，不過我知點應付咪無事囉！

單係照字面去答你問題,麥徑第七段合夜行, 衛徑第七段個人未行過,唔敢講

相同既路段,日間及夜間環境相差好大,日間可行,並唔代表夜間都可以,相比下日可清楚看到四圍環境如何,有任何事都會較容易應付,而夜間卻並不如,有些地方夜間可能會變得很危險
猴子既問題,你大可放心,夜晚並唔會出沒,記憶猴子係夜盲症,有曾晚上在城門燒烤會遇到? 反而夜行,會因夜間而心理作用,會令信心不足,或鬼神之說令有所驚嚇,仲係有經驗者同行較安全

個人認為麥徑第七段,可以算係夜行初學者之最佳選擇,一來麥徑當中算平坦,同時又可以欣賞沙田一帶夜景,上到針山,可謂景觀最好,站於山頂會感覺如此辛苦上山也值得,到鉛礦凹營地,可走馬路回菠蘿霸,坐的士回荃灣市區,若計劃調長一點,可以行埋第八段夜登大帽山,最後於大帽山郊野公園燒烤場結束,此時也接近天光了,可到川龍早茶再回家,都係不錯既夜行通宵之途(第八段平坦,只是路線較長,也合夜行初學者)
城門山嶺 城門水塘--->鉛礦凹營地, 麥徑第七段並唔係你所講, 城門主霸(小巴站叫菠蘿霸)起步,經針山草山至鉛礦凹營地, 你所講城門山嶺 城門水塘,但又見猴子的話,應該係指第六段, 金山郊野公園(經城門水塘),孖指徑到城門主霸
(城門山嶺,唔敢話有無呢個字眼,只不過大部份行山人士都無咁叫,地圖都無刻意記載此名稱,是否.........
圖片參考：http://hk.yimg.com/i/icon/16/9.gif
)

2006-11-09 11:52:26 補充：
補充小小,樓下講野豬呢個問題係無錯,只不過係麥理浩徑既路段上,跟本唔合野豬生活既環境,而且都無野豬既食物,因為政府種植既都係綠化及保護土壤為主,可以話全部都係野豬唔食得既植物,除此政府既郊野公園都一樣係唔合野豬既生活環境,所以放心野豬呢個問題蛇就另計,郊野公園仍合蛇居住,建議夜行著中靴,即可包住腳跟既,一來保護腳較強,萬一有蛇,一般都係咬腳跟既位置,呢點要小心,不論蛇及其他野生生物,一般都唔會主動攻擊人類,簡單佢見到你走得快過你,除非你刻意去挑釁及攻擊,否則佢都無咁得閒理你

去這些地方最好都是在日光日白的時候行la, 亱晚好危險ga, 有嘜事D人都好難找你la, right!!!

其實猴子一般只會對拿著膠袋(特別是百佳惠康袋)的人有興趣, 你收埋膠袋的話一般都唔會搞你