為什麼我的狗流牙血??

係呀! 我隻狗仔都係6個月大,佢又好鍾意咬野咬拖鞋,跟住就會見到成條血路架喇,佢D毛亦都會染晒紅色咁好恐怖,之前我都比佢嚇鬼死! 原來係換牙仔架咋,不過我隻狗狗就早你1個月到換牙,所以而家出齊晒喇!
但係換牙期間你都要注意下喎,因為唔理佢仲比佢亂咬野D牙會生得唔好架,佢呢段期間可能會唔肯食乾糧,因為會銀親D牙肉,所以可以用少少暖水浸軟D糧比佢食,同埋唔好比潔牙骨比佢食住,最好比一D軟棉棉ge骨頭公仔比佢玩,有時佢仲會咬下你隻手係因為佢牙痕,等佢出齊牙就唔好比佢咬手喇!
同埋定期睇下佢D牙生成點樣,我隻狗狗一個禮拜已經換晒牙好快出晒新牙架喇! 咁佢就肯食返乾糧,同埋讚下佢D牙仔生得好靚啦,咁佢情緒會好D,會開心架喇!!

狗仔6個月左右會換牙仔，你留意吓屋企周圍可能會拾番佢啲乳齒！我都有keep番我隻狗仔啲牙。

(1)牙周病
(2)咬玩具時弄傷
如果係牙周病你可以嘗試去買狗仔用的牙膏同佢刷,通常最好由細個開始訓練,如果唔係大個便好難教佢,而一般狗狗美容都唔會刷,因為怕狗隻咬人,所以刷牙都係由狗隻信賴的主人做最好