點解個女唔鍾意同我傾計

我覺得，要仔女同父母講野其實開頭會有某種心理壓力，尤其是去到十幾歲開始。因為佢開始大個，諗野多左，但亦會知道未必樣樣父母都接受到，佢地或者會怕俾你地知道佢太多野就會鬧佢同管佢，但同時呢個年紀又想要有更多自由既空間去試好多野，所以就會同父母減少溝通。

另一方面，父母善長既話題一係就係佢地唔明既野，一係就係關於佢地（即係仔女）既生活：學校、朋友、娛樂，樣樣都係佢地生活既一部份；如果佢地試過俾仔女曾經試過因為俾你地知佢既事因而被教訓過的話，佢地會直覺地收埋唔想畀父母知咁多，於是，父母關心地問佢都好，佢地會覺得你地管佢同埋煩佢。

於是，父母既事佢地無興趣知（亦唔明白），佢地既事又唔想父母知，咪無野好講囉！

要破冰，我覺得兩方面，第一，鼓勵佢俾你知佢既事；就係每當你知佢一d事，都盡量以欣賞、分享既角度去傾，一齊笑、一齊喊、甚至一齊鬧（鬧其他人），都可以增加仔女對父母既信任。（而大多數既父母會以長輩、過來人既身份去教佢點做，咁就變成煩佢喇）要教佢點做，都盡量等大家關係夠好先做啦！年青人係反叛d。

第二，就係要「引蛇出洞」，即係引仔女加入你既話題，仲要係扮晒不經意咁。舉個例子，呢期興keroro軍曹，你就特登夜晚趁佢都o係屋企時睇，但唔好監硬叫佢一齊睇喎。睇到某d位又特登「自言自語地」問d內容點解會咁既，或者自己投入d去笑下，令佢忍唔住主動走o黎幫你解話。由佢主動o黎話你聽，效果比起你特登問佢效果會好好多，因為佢會覺得係自己「自願」去講；而且，仔女更會漸漸習慣「主動」去向你發言，慣左之後；大家就會多野講。

你試下得唔得啦。

讓我試試答，希望可以幫到你啦！

其實人同人之間相處不外是關心同體諒的。
你平時是否和她很少有共同興趣呢？試吓留意吓個女的興趣是什麼，間中和她談一二句她的興趣，但人最怕被人否定的。通常D仔女就最怕父母哦這個不對，哦那個不要做，所以通常見到咁都會走先。（你都做過人嘅子女，試吓將心比己，就會好易明架啦！）

其實你個女好細個啫，佢現在未能體諒到做父母嘅心情，俾D耐性啦！
另外有時試吓攪Ｄ家庭活動吖，例如：一家人去睇吓戲，游吓水.....

不過都好睇番佢Ｄ性格係內向定外向，如果佢係內向嘅就都有可能係佢唔鐘意講嘢啫！
吖！你咁鍚個女，不如試吓打電話去麥ＳＩＲ個星空奇遇個節目到點隻歌比個女聽，等佢知道你咁重視佢同鍚佢，雖然呢個係你個女，不過人氹人嘅威力你真係會估唔到架！

我和你個女差不多大。
同常di女都唔鐘意同家長傾計，會覺得好肉麻或者自己好成熟。
你可以同你個女傾下一di佢鐘意ge事。
佢心情唔好等佢發洩下先好同佢傾。

好work嫁!