前兩日我響北角興發街北行 (上東廊或右轉歌頓道)，由於睇錯燈既關係衝左紅燈頭... 果度過左出永興街既路口就係另一路口上東廊/轉歌頓道
我睇組燈係響第一路口過後既安全島上，仲要響條路正中間，咁一般我都會以為果組燈係我個路口既遠處燈啦，反而我個路口既燈就收埋響左右最邊同高架
我就係岩岩行到第一個路口，睇到前方支綠燈，咁我就忙於慢慢踩油回軚啦... 到我駛到近線果陣，我先發現頭頂有個高架燈，岩岩黃轉紅... 前面支綠燈係第二個路口既！但果刻我已經係~30KM/h同停車線相距2-3米，果下我藤晒雞，踩唔到迫力，就衝左燈勒... 個路口有個警網列左Work既相機
我絕對係一個負責任既駕駛者，根本唔敢衝燈 (我係連響「讓」字位都唔敢出搞到俾後面「砵」果種人)。我係想問，我究竟可唔可以向個官求情？我真係唔想因為新牌一時唔熟搞到扣分畫花Record呀...
我聽講如果收到告票去俾錢就即係認罪，即時扣分，唔使解釋
但為左求情上庭答辯，係咪即係唔認罪？影左相人贓並獲，到時再定罪好似要俾埋堂費
請問各位師兄，我應該點樣做呢...
更新1:
To ZA ＆ 鹿仔： 我唔係唔認罪，只係想睇下有無求情既渠道... 因為我真係一時疏忽，希望執法者可以最少考慮我犯法係因為經驗不足的因素，而唔好同故意貪快衝燈既司機混為一談 我不求無罪釋放，只希望佢可以唔使響我個駕駛紀錄留有污點...
