男仔係咪鍾意個女朋友嗲d架?

大多數既男仔都鍾意女仔嗲，因為始終男仔都係鍾意小鳥伊人既感覺，但係要嗲得有技巧，妳自己都識講，如果過左火位就會變成姣或者低b，嗲得其法既話，個男仔一定好冧，仲有其實男仔好鍾意女朋友覺得自己叻，所以妳不妨間中氹下佢！

其實無論男女都好, 做返自己先至係重要....
不過, 如果你本身的確待人接物方面, 會「得罪人多, 稱呼人少」, 咁就要改下啦.... 但如果唔係, 我覺得無乜必要去改......

你要扮嗲, 結果可能會格格不入... 人地睇o既嘔心, 妳自己做都覺得「毛管動」啦.....

佢即使受妳呢一套, 但長遠妳都唔會"捱"落去, 咁又合苦要變相呃佢同呃妳自己呢?

其實, 各花入各眼, 妳唔應該為o左迎合一個男人的口味, 而要去勉強改變自己..... 改得到都無問題, 改唔到, 就唔好逼自己囉.....

順其自然, 男女之間的相處, 先至會長久...

絕對係......

順其自然啦, 如果唔係咁又學人嗲聲嗲氣, 會好嘔架.

其實比人話嗲果d人自己都唔想架, 可能把聲天生嗲d, 或者講野語氣問題, 其實都係自然而發, 唔係特登扮架.

另外, 嗲d既意思如果係指指語氣聲調都ok啦, 有d男人會鍾意, 有d就冇所謂, 總之自自然然就唔會令人反感啦. 但係嗲唔同刁蠻任性, 好似細路咁嗲呢樣果樣, 麻麻煩煩咁, 就係人都唔鍾意啦.,

鐘意嗲個d人係好花心,以我所知!

當然,係鐘意你的話,無論如何佢都會接受你 遷就你

然而,有好多人都唔鐘意嗲!

做好自己就最好!

你如果你鐘意一個人,你可以多d接近佢,溝通多d~慢慢就會陪養到感情(切記唔好咁快表白,因為太早表白會有尷尬既情況出現)並不需嗲的!

2006-11-08 20:26:05 補充：
不要隨便聽別人賤言,難道會有人鐘意嗲到姣既女仔?(咁同樣會比男仔不安全感,eg:不會有男仔鐘自己女友是妓女,除非他抱住玩玩下既心態)

其實唔係
我個同學就係個d好o爹佢男友既人
但佢男友好受落,不過其他人就覺得好假同好煩
所以你要知道你鐘意既男友係咪鐘意人o爹

10個男仔9個都鍾意

小小咁啦!